26°C , Partly sunny | Kigali-Rwanda

Muri King David Academy gutsinda 100% byabaye umuco

Yanditswe na Ntawitonda Jean Claude

Ku ya 16-03-2020 saa 11:48:21
Muri King David Academy, abarimu bafatanya n'abanyeshuri mu gukora ubushakashatsi

Ubuyobozi bw’Ishuri ryisumbuye ryitiriwe Umwami Dawidi (King David Academy) burashimira Imana ko abanyeshuri bakomeje kugaragaza impinduka nziza mu bumenyi bahabwa batsindira ku manota yo hejuru.

Mu mwaka wa 2019 abanyeshuri 108 ni bo bakoze ikizamini cya Leta gisoza amashuri yisumbuye, bose bakaba baratsinze neza kuko barimo n’abarenga 10 bagize amanota yo hejuru ku rwego rw’Igihugu.

Abasoje amashuri yisumbuye baje bakurikira abandi bigaga mu kiciro rusange (O’ Level) batsinze neza, bakaba bakomeje kugaragaza ubunararibonye bwa King David Academy mu gutegura u Rwanda rw’ejo rufite ubushobozi bukenewe mu guteza imbere u Rwanda, Afurika n’Isi muri rusange.

Nk’uko baca umugani mu Kinyarwanda ngo “Isuku igira isoko”; Umuyobozi  wa King David Academy MUTAMURIZA Annet, yatangarije Imvaho Nshya ko gutsinda neza bikomoka ku buryo iri shuri ryita ku banyeshuri, abarimu ndetse n’abakozi.

Yashimiye Ikigo k’Igihugu gishinzwe guteza imbere Uburezi mu Rwanda (REB) cyatangije Integanyanyigisho Nshya ishingiye ku bushobozi bw’umunyeshuri (Competence Based Curriculum/CBC) yahuje imyigishirize y’u Rwanda n’ikoreshwa ku rwego mpuzamahanga.

Yagize ati: “Twagize amahirwe yo kugira integanyanyigisho nshya ishingiye ku bushobozi bw’umunyeshuri (CBC) kuko imushyigikira akagaragaza ko afite ubwenge, ashobora kwigisha no gukora ubushakashatsi.”

Yakomeje avuga ko kuba abana bacumbikirwa mu kigo bituma badatakaza umwanya, bakarushaho kwihugura mu myitozo n’ubushakashatsi, cyane ko ikigo gifite internet inyaruka ibafasha gukoresha imfashanyigisho Leta y’u Rwanda yashyize kuri Murandasi.

Abanyeshuri batozwa “Umuco w’Inzu ya Dawidi”

Intero ya King David Academy igira iti: “Izere Imana, ukorane umwete.” Mutamuriza ashimangira ko kuba uburezi baha abana b’u Rwanda bushingiye ku ndangagaciro z’ Ijambo ry’Imana, bituma abagira ikinyabupfura  ari na yo nkingi ya mwamba yo kwiga no gutsinda neza.

Ati: “Kuba twizera Imana bituma abana bacu tubashyiramo umuco wo gukura baharanira kuba Abigishwa ba yo (disciples). Kuva bari hano ndetse no mu rugo iwabo tubatoza kumenya no kubaha umuco wo mu Nzu ya Dawidi, kuko ni wo waduhaye kugira ikinyabupfura.”

Indangagaciro z’ibanze ishuri rimaze imyaka 20 rigenderaho ni Ijambo ry’Imana (Word of God), ubuyobozi bukorera abandi (Servant Leadership), isengesho (Prayer), ubudakemwa (Integrity), Urukundo (Love), ubushobozi mpuzamahanga (Internationalism), kuba ikitegererezo (Excellence), kumvira no kubaha  (Submission)n’izindi.

Bamwe mu banyeshuri bahize abandi buzuza amanota 73/73  mu kizamini cya Leta cya 2019:

GIKORO NICKY FRED

Ishuri rya King David Academy rifite inyubako z’amashuri zigezweho

KWIZERA PRINCE

MUNEZERO ROSSY IVANA

MUSENGA MARISA

BATAMULIZA JULIAN

 

Umwanditsi:

Ntawitonda Jean Claude

3 Comments on “Muri King David Academy gutsinda 100% byabaye umuco”

  1. iri shuri ndarizi rwose uburyo ritsindishamo rigira abanyeshuri babahanga bameze nkabo muri semineri , kuko ntibikunze kubaho kubona abana bo muri private batsinda bakuzuzu noneho biga science , ariko kandi kubantu barerera hariya ngo abana baho , bafite n’imyitwarire myiza kuburyo udashobora kubona umwana uhiga wananiranye. cg wanyoye ibiyobya bwenge , Annet courage komeza urerere urwanda .

  2. Murakabandanya mutuvyarira no kuturerera. Imana igumane nibibondo ivyacu. Batere imbere nkumuzinga bamane amahoro nimigisha yimama. Namwe barazi babana bacu Imana ibahe amagara imigisha nimihezagiro yayo.simbona uko twobashimira. Muragahoruko.

  3. Iri shuri naryize mo narangije mumwaka wa 2018 nitwa Dieudonne natsinze neza pe ariko icyo mbashimira ni club zibayo zifasha abana cyane kugaragaza ubushobozi bifite mo, nkabakunda politics hari patriotism club yaje no kwaguka ikavamo non governmental organization yigisha abanyeshuri gukunda igihugu igakurikirana na gahunda za leta zose zibera mukigo, hari debating hamwe na Gavo club zikurikirana imvuga ruhame zo mucyongereza, ikindi nakongeraho nuko umwana waho ntawamwisukira mukuvuga inyongera kandi hari umwuka wimana kuko gusenga nicyo kintu cyambere kiza ku isonga muri King David Academy. Ndashimira madam Annet nibwimbaraga ze numuhamagaro we wo kurerera igihugu ukora neza.

Tanga Igitekerezo

Email yanyu ntigaragazwa ku rubuga. Amazina na Email ni ngombwa.