Mukura irakira Rayon Sports  mu mukino w’umunsi wa 21

Yanditswe na BUGINGO FIDELE

Ku ya 09-05-2018 saa 06:07:48
Rwatubyabe Abdoul wari umaze iminsi afite imvune arabanzamo ku mukino wa Mukura

Uyu munsi

Gicumbi FC-Bugesera FC  (Gicumbi 15h30)

Mukura-Rayon Sports (Huye-15h30)

Amagaju FC-Musanze FC (Nyamagabe-15h30)

Ejo tariki 10-05-2018

Kirehe FC-APR FC (Kirehe-15h30)

Espoir FC-Kiyovu (Rusizi-15h30)

Sunrise FC-AS Kigali (Nyagatare-15h30)

Rwatubyabe Abdoul wari umaze iminsi afite imvune arabanzamo ku mukino wa Mukura

Shampiyona y’ikiciro cya mbere igeze ku munsi wayo wa 21, umukino utegerejwe  na benshi urahuza ikipe ya Mukura  na Rayon Sports.

Uyu mukino ukunze kubamo guhangana cyane urabera kuri Sitade  Huye,  uyu munsi tariki 09 Gicurasi 2018.

Mu mukino ubanza wa shampiyona 2017-2018, Mukura yanganyije na Rayon Sports 0-0. N’ubwo aya makipe akunze guhangana,  mu myaka 5 iheruka ntabwo Mukura irabasha gutsinda Rayon Sports muri shampiyo. Izi kipe zombi kuva mu 2013 zimaze gukina imikino  9, Rayon Sports  yatsinzemo 5 indi 4 aya makipe aranganya. Muri iyi mikino ibiri izi kipe zanganyirije i Huye naho indi ibizi zinganyiriza   i Kigali.

Ikipe ya Rayon Sports iheruka gutsindira Mukura i Huye muri shampiyona ya 2015-2016, umukino wabaye tariki 24 Mata 2016 ukarangira Rayon Sports itsinze igitego 1-0.

Ku ruhande rwa Mukura  irakina umukino w’uyu munsi idafite Zagabe Jean Claude, Manireba Ambroise, Hatungimana Bazile na Nkomezi Alexis  bose bafite imvune na Ndayegamiye Abou ufite amakarita 3 y’umuhodo naho Rayon Rayon Sports iraba idafite, Kwizera Pierrot, Usengimana Faustin, Nahimana Shassir, Ndayishimiye Eric Bakame, Niyonzima Olivier Sefu ndetse na Manishimwe Djabel.

Iyi kipe ya Rayon Sports ikaba yagaruye myugarariro Rwatubyaye Abdoul akaza no kubanza mu kibuga.

Indi mikino iza kuba, Gicumbi FC irakira Bugesera FC, Police FC ikine na Miroplast FC  naho Amagaju FC yakire Musanze FC. Imikino izakomeza ejo tariki 10 Gicurasi 2018 aho Kirehe FC izakira APR FC, Espoir FC yakire Kiyovu naho  Sunrise FC ikine na AS Kigali.

AS Kigali irayoboye n’amanota 41 ikurikiwe na APR FC n’amanota 40 na Rayon Sports na Kiyovu (35), Gicumbi ikaba iya nyuma  na 15.

 

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.