24°C , Mostly cloudy | Kigali-Rwanda

Minisitiri wa Siporo yasuye  ishyirahamwe ry’umukino wa Volleyball

Yanditswe na BUGINGO FIDELE

Ku ya 07-07-2020 saa 22:30:51
Minisitiri Munyangaju ubwo yakoranaga inama n'abayobozi ba FRVB

Minisitiri wa Siporo “MINISPORTS”, Munyangaju Aurore Mimosa   yasuye ishyirahamwe ry’umukino wa Volleyball mu Rwanda “FRVB” agirana ibiganiro n’abayobozi ndetse n’abakozi ku bijyanye n’iterambere ry’uyu mukino.

Muri iyi nama yabaye tariki 7 Nyakanga 2020, Perezida wa FRVB, Karekezi Leandre yararagarije Minisitiri wa Siporo ko  bafite imbogamizi zitandukanye zijyanye n’ubushobozi mu byiciro bitandukanye zituma badakora ibikorwa byose nk’uko baba babiteganyije aho yaboneyeho gusaba ko Minisiteri yakomeza kubakorera  ubuvugizi.

Perezida wa FRVB yanagaragaje ko ubu ikintu bifuza gushyiramo imbaraga  ari ukuzamura impano z’abakiri bato cyane cyane binyuze mu mashuri kuko  mu myaka ishize byatanze umusaruro ku buryo amakipe y’abakiri bato ari ku mwanya mwiza ku rwego rw’Isi.

Kimwe no mu yandi mashyirahamwe  muri FRVB naho amarushanwa yarahagaze kubera icyorezo cya Koronavirusi kibasiye Isi kikaba cyarageze mu Rwanda muri Werurwe 2020.

Biteganyijwe ko amarushanwa azasubukurwa muri Nzeri 2020  kugira ngo  hasozwe shampiyona  mu byiciro byose.

Minisitiri wa Siporo, Munyangaju Aurore Mimosa  kuva yatangira iyi mirimo mu Gushyingo 2019 yatangiye kugenda asura amashyirahamwe y’imikino atandukanye kugira ngo  barebere hamwe uburyo bafatanya na Minisiteri guteza imbere imikino.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.