Kigali-Rwanda

Mostly cloudy
18°C
 

Mbere y’uko shampiyona isubikwa hagiye gukinwa imikino y’umunsi wa 20

Yanditswe na Bugingo Fidèle

Ku ya 08-03-2019 saa 10:20:42
Abakinnyi ba Rayon Sports ubwo bishimiraga insinzi ku mukino ubanza wa shampiyona batsinzemo Bugesera FC ibitego 3-0

Tariki 08-03-2019
Bugesera FC-Rayon (Regional -19h00)

Tariki 09-03-2019
Kiyovu-Sunrise FC (Mumena-15h30)
APR FC-Etincelles FC (Regional -15h30)

Tariki 10-03-2019
AS Kigali-Mukura (Regional-15h30)
Marines FC-AS Muhanga (Rubavu-15h30)
Amagaju FC-Gicumbi FC (Nyagisenyi-15h30)
Musanze FC-Police FC (Musanze-15h30)
Kirehe FC-Espoir FC (Kirehe-15h30)

Shampiyona y’ikiciro cya mbere mu mupira w’amaguru igiye gusubikwa kugira ngo ikipe y’igihugu “Amavubi” yitegura umukino wa nyuma mu itsinda H mu gushaka itike ya CAN 2019 uzayihuza Cote d’Ivoire tariki 22 Werurwe 2019.

Mbere y’uko shampiyona isubikwa hagiye gukinwa imikino y’umunsi wa 20. Umukino ugiye kubimburira iyindi ni ugomba guhuza ikipe ya Bugesera FC na Rayon Sports kuri uyu wa Gatanu tariki 08 Werurwe 2019.

Uyu mukino wagombaga kubera i Nyamata ariko nyuma y’aho ishyirahamwe ry’umupira w’amaguru mu Rwanda “FERWAFA” rihagarikiye ikibuga k’iyi kipe, umukino urabera kuri Sitade ya Kigali i Nyamirambo saa moya z’umugoroba (19h00).

Kuri ubu ikipe ya Rayon Sports iri ku mwanya wa kabiri ku rutonde rwa shampiyona n’amanota 43 mu gihe Bugesera FC iri ku mwanya wa 10 n’amanota 22. Umukino wa shampiyona uheruka Rayon Sports yatsinze Bugesera FC ibitego 3-0.

Imikino ya shampiyona y’umunsi wa 20 izakomeza tariki 09 Werurwe 2019 aho Kiyovu-Sunrise FC, APR FC yakire Etincelles FC. Tariki 10 Werurwe 2019 ari bwo hazasozwa imikino y’umunsi wa 20, AS Kigali izakira Mukura, Marines FC yakire AS Muhanga, Amagaju FC yakire Gicumbi FC, Musanze FC ikine na Police FC naho Kirehe FC yakire Espoir FC.

Uko imikino y’umunsi wa 19 yagenze

Iyi mikino yabaye tariki 05 kugeza 07 Werurwe 2019, ikipe ya Rayon Sports yatsindiye Gicumbi FC iwayo igitego 1-0, Bugesera FC nayo itsindira Sunrise FC i Nyagatare igitego 1-0.

Mu yindi mikino yabaye, Espoir FC yatsinze Musanze FC igitego 1-0, Mukura inganya na Kiyovu 0-0, APR FC itsinda Marines FC ibitego 2-0. AS Muhanga itsinda Kirehe FC igitego 1-0, Etincelles FC itsinda AS Kigali igitego 1-0 naho Police FC itsindwa n’Amagaju FC ibitego 2-1

Mbere y’uko amakipe ahura mu mikino y’umunsi wa 20, APR FC irayoboye n’amanota 45, ikurikiwe na Rayon Sports ifite amanota 43, Mukura ikaza ku mwanya wa 3 n’amanota 41, Kiyovu ikaza ku mwanya wa 4 n’amanota 34. Amakipe abiri ari inyuma hari Kirehe FC iri ku mwanya 15 n’amanota 13 naho ku wa nyuma wa 16 hakaza ikipe y’Amagaju FC ifite amanota 1.

Abakinnyi ba Rayon Sports ubwo bishimiraga insinzi ku mukino ubanza wa shampiyona batsinzemo Bugesera FC ibitego 3-0

Umwanditsi:

Bugingo Fidèle

Tanga Igitekerezo

Email yanyu ntigaragazwa ku rubuga. Amazina na Email ni ngombwa.