21°C , Partly cloudy | Kigali-Rwanda

Kwibohora 24: Gahogo Adventist Academy irashimira Leta yavuguruye uburezi

Yanditswe na NIYONSENGA SCHADRACK

Ku ya 09-07-2018 saa 18:41:35
Umuyobozi w'Itorero ry'Abadivantisiti ku isi Teddy Wilson yasoye iki kigo ubwo aheruka mu Rwanda

Ubuyobozi bw’Ishuri ryigenga ry’Abadiventisiti b’Umunsi wa karindwi rya Gahogo (Gahogo Adventist Academy) burashimira Leta y’u Rwanda yimakaje uburezi budaheza, bunazirikana ababigizemo uruhare ngo u Rwanda rubohorwe ubuyobozi bubi bwarangwaga n’ivangura.

Umuyobozi w’Itorero ry’Abadivantisiti ku isi Teddy Wilson yasoye iki kigo ubwo aheruka mu Rwanda

Ishuri rya Gahogo Adventist Academy riherereye mu kagari ka Gahogo riri mu mashuri atanga uburezi bufite ireme mu Karere ka Muhanga.

Umuyobozi w’iri shuri  Hategekimana Assiel, yabwiye Imvaho Nshya ko ibyo bagezeho byose babikesha Leta y’Ubumwe bw’Abanyarwanda ifite byinshi yatugejejeho birimo uburezi budaheza, uburezi kuri bose ndetse no gushakira umutekano abaturarwanda bose.

Umuyobozi wa Gahogo Adventist Academy, Hategekimana Aciel

Hategekimana ati: “Ntabwo tukiri kuri rwa rwego rwo kuvuga ngo abaziga ahangaha ni ubwoko ubu n’ubu, ahubwo ni Abanyarwanda. Ndetse twe muri Gahogo dufitemo n’abanyamahanga, bivuga ngo hari urwego rwiza tugezeho. Ibyo tubikesha umusingi w’iyi tariki ya 04 Nyakanga aho tuba twizihiza kubohorwa kw’igihugu cyacu. Ni umunsi ugendanye n’amateka teka y’igihugu cyacu n’uburyo cyabohowe nyuma y’uko cyari cyarazonzwe n’ubuyobozi bubi..”

Yakomeje agira ati: “Twifurije Nyakubahwa Perezida wa Repubulika umunsi mwiza wo kwibohora kuko ni we wagize uruhare rukomeye cyane kugira ngo iki gihugu kigere aho kigeze. Abandi dushimira ni ingabo za FPR Inkotanyi zitanze, tugashimira polisi ndetse tukanifuriza isabukuru nziza Abanyarwanda bose muri rusange.”

Ishuri rya Gahogo Adventist Academy ryatangiye mu mwaka wa 2010 nyuma yo guhabwa uburenganzira na Minisiteri y’Uburezi kugira ngo rikomeze gufasha kuzamura uburezi bw’u Rwanda. Ryatangiye ari icyiciro rusange n’amashami atatu ariko ubu rimaze kugira amashami arindwi ari yo MPC, MCB, MPG, MEG, MCE, HEG na LEG.

Abanyeshuri biga muri iki kigo barangwa n’uburere bushingiye ku ndangagacieo za gikirisitu

Gahogo Adventist Academy yishimira kuba umujyi wa Muhanga waratoranyijwe kuba umwe mu yunganira Kigali kuko ari amahirwe y’iterambere ry’abawutuye n’abawukoreramo ibikorwa bitandukanye bibyara amafaranga.

Hategekimana ati “Umujyi wa  Muhanga utoranywa ngo wunganire Kigali byaratunejeje cyane nk’abantu dukorera muri uyu mujyi, cyane ko ari n’umujyi wegereye Kigali, hari byinshi tuzungukiramo. Twe nk’Ikigo cya Gahogo Adventist Academy kiri mu bigo by’Abadiventisite b’Umunsi wa Karindwi biberamo amahugurwa ku rwego rw’Isi, bizatuma abaza mu mahugurwa babona  amahoteli menshi bacumbikamo kuko agiye kwiyongera.”

Abakigera i Muhanga bitiranya iki kigo na kaminuza kubera ubwiza bwacyo

Nk’ubu mu kwezi k’Ukuboza muri uyu mwaka wa 2018 hari igiterane kizitabirwa n’abanyamahanga bagera ku 1,000 kandi Umugi umaze kugira zimwe muri Hoteli zizabakira, abandi bazacumbike mu mujyi wa Kigali cyane ko twegeranye.

Ishuri rya Gahogo Adventist Academy ryihariye ku nyubako zigezweho ndetse uko risa neza ni na ko ritanga ubumenyi n’uburere bishingiye ku ndangagaciro za gikirisitu.

Bitewe n’uburyo rubatswe mu nkengero z’umujyi wa Kigali ahantu hisanzuye, hari abahagera bakahitiranya na Kaminuza kuko rigaragara nk’ishuri ry’Ikitegererezo, cyane ko n’abana baryigamo bafatwa neza cyane ku buryo yiyumva nk’uri imuhira.

Imwe mu nyubako ziteganyijwe kubakwa muri Gahogo

Ikindi iri shuri rikoresha cyane ikoranabuhanga rihuza abanyeshuri, abarimu n’abakozi  n’ababyeyi ku buryo umwana urwaye bisaba ko ataha iwabo umubyeyi aba yabimenye kare.

Umwanditsi:

NIYONSENGA SCHADRACK

Tanga Igitekerezo

Email yanyu ntigaragazwa ku rubuga. Amazina na Email ni ngombwa.