20°C , Mostly cloudy with thunderstorms | Kigali-Rwanda

Kung Fu:  Abagera kuri 95 ni bo bazitabira shampiyona y’igihugu ya 2019

Yanditswe na BUGINGO FIDELE

Ku ya 12-12-2019 saa 11:40:16
Bamwe mu bakinnyi biyereka

Abakinnyi bagera kuri 95 ni bo  biteganyijwe ko bazitabira  shampiyona y’igihugu ya 2019 ari naryo rushanwa risoza umwaka w’imikino wa 2019 mu mukino wa Kung Fu Wushu  “National Kung Fu Championship Competition 2019”

Mu ishyirahamwe  ry’umukino wa Kung Fu Wushu  mu Rwanda  “RKWF” batangaza ko iri rushanwa rizaba tariki 15 Ukuboza 2019 aho rizabera mu nzu y’imikino ya Lycee de Kigali  mu Rugunga guhera saa tatu (09h00) kugeza saa munani (14h00).

Perezida wa RKWF, Uwiragiye Marc atangaza ko abakinnyi 95 bazitabira shampiyona y’igihugu 2019 bazakina mu  byiciro bibiri aho hari 44 bazakina mu bijyanye no kwiyereka “Taolu”.

Muri aba  hazaba harimo 37 mu bagabo bazarushanwa mu byiciro 6 birimo NanQuan,  Changquan,  Daoshu, Gunshu, Nangun na Qian shu. Hazarushanwa abakobwa 7 bazahatana mu byiciro 3 birimo NanQuan,  Changquan na Daoshu.

Hari kandi abakinnyi 51 mu bagabo bazahatana mu kurwana “Sanda” aho bazakina handewe ku biro.  Ikiciro cya mbere ni abafite ibiro 48-52, 53-57, 58-62, 63-67,68-72 na 73-77.

Umwaka ushize, shampiyona y’igihugu yabaye tariki 23 Ukuboza 2018 aho ikipe ya Black Eagle yo mu Karere ka Ngoma yitwaye neza. Iyi shampiyona yari yitabiriwe n’amakipe 21 ahari abakinnyi bose hamwe bari  267.

Havugimana Emmanuel yiyereka akoresheje ikibando

Kwizera Claudien nawe yiyereka

Aha ni mu kiciro cyo kurwana “Sanda”

Perezida w’ishyirahamwe ry’umukino wa Kung Fu Wushu mu Rwanda “RKWF”, Uwiragiye Marc

Umwanditsi:

BUGINGO FIDELE

One Comment on “Kung Fu:  Abagera kuri 95 ni bo bazitabira shampiyona y’igihugu ya 2019”

  1. Turasaba Minisiteri ifatanije n’abafite imikino munshingano ko bafasha kuzamura uyu mukino murwego rwo kurushaho gutsura umubano n’amahanga by’umwihariko igihugu cy’Ubushinwa

Tanga Igitekerezo

Email yanyu ntigaragazwa ku rubuga. Amazina na Email ni ngombwa.