Kigali-Rwanda

Partly cloudy
19°C
 

Korali  “Grow In Jesus” yateguye igitaramo gikomeye cyo kumurika album ya mbere

Yanditswe na TWIZEYIMANA FABRICE

Ku ya 15-06-2018 saa 18:58:09
Bagiye kumurika album ya mbere yitwa 'Umucyo'

Korali Grow In Jesus yo mu itorero ry’abadiventisite  b’umunsi wa karindwi i Gikondo, yateguye igitaramo gikomeye cyo kumurika y’amajwi n’amashusho, kizabera ku rusengero rw’abadiventisite i Gikondo ku cyumweru tariki ya 17 Kamena 2018.

Bagiye kumurika album ya mbere yitwa ‘Umucyo’

Iyi album izamurikwa yitwa “Umucyo”  ikaba ari yo ya mbere iyi korali igiye gushyira ahagaragara mu myaka 18 imaze ikora umurimo w’ivugabutumwa rinyuze mu ndirimbo.

Mu kiganiro yagiranye n’Imvaho Nshya, Perezida w’iyi korali Sebutore Amitie, yatangaje ko imyiteguro y’iki gitaramo yamaze kunozwa, ndetse n’amakorali bazafatanya nayo akaba yariteguye neza.

Yagize ati “Ni igitaramo twiteguye neza, kuko uretse kuba ari umwanya wo kumurika ku mugaragaro indirimbo zacu mu buryo bw’amashusho n’amajwi, ni n’umwanya wo gushimira Imana yaturinze mu myaka 18 tumaze dukora umurimo w’ivugabutumwa rinyuze mu ndirimbo.

Ubwo rero turakangurira abantu kuzaza kudushyigikira ari benshi, tugafatanya guhimbaza Imana tunayishimira ibyiza yadukoreye, kandi twizeye ko gahunda twabateguriye izabashimisha.”

Grow In Jesus imaze imyaka 18 mu murimo w’ivugabutumwa rinyuze mu ndirimbo

Muri iki gitaramo kizatangira saa sita zuzuye, korali Grow In Jesus izafatanya n’izindi korali zikomeye zo mu itorero ry’abadiventisite b’umunsi wa karindwi nka Ambassadors of Christ Jr, The Way of Hope choir ndetse na Messengers.

Korali Grow In Jesus yiganjemo urubyiruko (Foto Twizeyimana F)

Korali Grow in Jesus yashinzwe mu mwaka wa 2000, ikaba igizwe ahanini n’urubyiruko.Mu ndirimbo zayo zamenyekanye cyane ndetse zigakundwa na benshi harimo iyitwa Umucyo ari nayo yitiriwe album, ndetse n’izindi nka Tumuririmbire, Shimwa Data, Ijambo ryawe n’izindi.

 

Umwanditsi:

TWIZEYIMANA FABRICE

2 Comments on “Korali  “Grow In Jesus” yateguye igitaramo gikomeye cyo kumurika album ya mbere”

  1. I hope that you won’t stop anymore! May continue to grow in Jesus as the name speaks! We don’t need to wait other 18 years to see another album. Please dedicate your life to God and He will use.

Leave a Reply to Wilson Cancel reply

Email yanyu ntigaragazwa ku rubuga. Amazina na Email ni ngombwa.