20°C , Mostly cloudy | Kigali-Rwanda

Kigali: Hagiye kongera kuba igiterane ‘Refresh Africa conference’

Yanditswe na Gisubizo Gentil M.

Ku ya 03-03-2020 saa 17:06:28
Rev Dr Charles Mugisha Umuyobozi Mukuru wa Africa New Life Ministries mu kiganiro n'abanyamakuru

Buri mwaka itorero New Life Bible church ritegura igiterane gikomeye kandi kiri ku rwego Mpuzamahanga kiswe Refresh Africa Conference, iki giterane kigiye kuba ku nshuro yacyo ya gatanu.

Ni igiterane kiba gikubiyemo inyigisho zo guhemburwa k’umugabane wa Africa ndetse no kuramya Imana kugira ngo habeho ubutumwa bw’impemburo.

Nkuko bisanzwe uyu mwaka wa 2020 iki giterane giteganijwe kubera kuri New Life Bible Church guhera tariki ya 8 kugeza ku itariki ya 15 Gashyantare 2020.

Insanganyamatsiko y’iki giterane iboneka muri zaburi 85:6.

Mu kiganiro yagiranye n’itangazamakuru, Rev Dr Charles Mugisha Umuyobozi Mukuru wa Africa New Life Ministries na New Life Bible Church yavuze ko igiterane cy’uyu mwaka gifite umwihariko w’uko abantu bazahabwa inyigisho z’impemburo hagamijwe kugira umutwaro wo guhembura Africa.

Yavuze ko hazaba ho ibihe byihariye byo kuramya Imana byimbitse kandi buri wese agize umutima wo kuyiramya. Yavuze ko abaramyi bazafasha muri iki giterane na bo biteguye kandi bagiye kujya mu mwiherero ari na ko barushaho gusenga kugira ngo hazabeho guhembuka byuzuye binyuze mu kuramya Imana.

Uyu mushumba kandi yavuze ko hatumiwe abakozi b’Imana batandukanye barimo Pastor Lincoln Serwaga ukorera ivugabutumwa mu Bwongereza uyu akaba ari mu bashumba bakomeye ndetse bajyanye ivugabutumwa ku banyafurika bari muri diaspora.

Hari kandi abandi bavugabutumwa barimo Pastor James Kato, Pastor Chris Rue, Pastor Jide Laore, Pastor Ryan Holladay, ndetse na Pastor Charles Mugisha arinawe uzakira aba bakozib’Imana.

Umwanditsi:

Gisubizo Gentil M.

Tanga Igitekerezo

Email yanyu ntigaragazwa ku rubuga. Amazina na Email ni ngombwa.