19°C , Intermittent clouds | Kigali-Rwanda

Kigali: ‘Fruits of Hope Academy’, ikitegererezo mu burezi bujyanye n’ikerekezo

Yanditswe na Gisubizo Gentil

Ku ya 24-01-2019 saa 18:28:52
Abanyeshuri bahabwa ubumenyi butandukanye bushingiye ku ikoranabuhanga

Ikigo cy’amashuri “Fruits of Hope Academy” gikataje mu gutanga ubumenyi bufite ireme kandi bushingiye ku ikoranabuhanga n’andimasomo ajyanye n’ikerekezo k’Igihugu.

“Fruits of Hope Academy” ni rimwe mu mashuri y’ikitegererezo mu Mujyi wa Kigali ryatangiye mu mwaka wa 2007, rifite intego yo gutanga ubumenyi bufite ireme kandi bushingiye ku ndangagaciro za gikirisitu.

Ryatangiye ari ishuri ry’inshuke riza kugira n’amashuri abanza mu mwaka wa 2012, nyuma y’ibyifuzo by’ababyeyi baharerera.

Umuyobozi wa “Fruits of Hope Academy” Madamu Musengimana Veneranda, yatangarije Imvaho Nshya ko buri munyeshuri uharangirije amasomo ye aba ashimwa na bose.

Yagize ati “Mu ireme ry’uburezi dutanga, twibanda cyane ku gukoresha ikoranabuhanga kuko dukoresha integanyanyigisho yibanda kuri ‘ICT’ yaje abana bacu basanzwe bafite ubumenyi buhagije ku ikoranabuhanga. Uretse ikoranabuhanga, twatangiye gufasha abana kuvumbura impano bifitemo duteza imbere ubuhanzi n’ubugeni (art).”

Iri shuri riherereye mu Murenge wa Gisozi, Akarere ka Gasabo, rifite abarimu 22 n’abanyeshuri 430 barimo abagera ku 124 biga mu mashuri y’inshuke na 306 biga mu mashuri abanza.

Rirangwa no gutanga ubumenyi bukwiriye nk’uko bigaragarira mu mitsindire y’abanyeshuri, cyane ko ibyo bize babyifashisha no mu buzima bwabo bwa buri munsi.

Ntaganira Emmanuel wigisha mu mwaka wa 3 n’uwa 4 w’amashuri abanza ashimishwa n’uko iri shuri rigendera ku ndangagaciro za gikirisitu.

Ati: “Mu myaka itatu mpamaze nishimira ko ryangize uwo ndi we; kugeza ubu ndubatse ndetse ndi umubyeyi ufatanya n’abarerera hano guha abana ubumenyi bushingiye ku ndangagaciro za gikirisitu.”

Abanyeshuri na bo bahorana intego yo gukora batikoresheje kugira ngo imbaraga zabo zizateze imbere u Rwanda, bakanashimishwa cyane n’uko umwihariko w’iri shuri ari umucyo n’isuku rihorana ahantu hose.

Ubuyobozi bw’Ishuri Fruits of Hope Academy burashimira Leta y’u Rwanda idahwema gushyira ingufu zifatika mu burezi, bugasaba ababyeyi kugira uburere n’uburezi ibyabo kuko barerera Igihugu.

Iri shuri rirangwa n’umucyo n’isuku ahantu hose

Isomero rifasha abana kongera ubumenyi

Aha ni ahateguriwe imyidagaduro y’abana biga mu mashuri y’inshuke

Abanyeshuri bahabwa ubumenyi butandukanye bushingiye ku ikoranabuhanga

Abana biga muri iri shuri batozwa umuco w’isuku

Umuyobozi wa “Fruits of Hope Academy” Madamu Musengimana Veneranda

Ntaganira Emmanuel wigisha mu mwaka wa 3 n’uwa 4 w’amashuri abanza

Isomero rifasha abana kongera ubumenyi

Umwanditsi:

Gisubizo Gentil

One Comment on “Kigali: ‘Fruits of Hope Academy’, ikitegererezo mu burezi bujyanye n’ikerekezo”

Tanga Igitekerezo

Email yanyu ntigaragazwa ku rubuga. Amazina na Email ni ngombwa.