Kigali-Rwanda

Mostly cloudy
25°C
 

Karate: U Rwanda rwahagarariwe n’abakinnyi 2 muri shampiyona y’Afurika

Yanditswe na BUGINGO FIDELE

Ku ya 12-07-2019 saa 10:03:54
Abakinnyi baserukiye u Rwanda (iburyo)

Abakinnyi babiri  ni bo baserukiye u Rwanda muri shampiyona y’Afurika mu mukino wa Karate “Africa Karate Championship 2019”. Iyi mikino  ikaba irimo kubera mu mujyi wa Gaborone muri Botswana kuva  tariki 12  Nyakanga 2019.

Iri rushanwa ryari ryabereye mu Rwanda umwaka ushize wa 2018, ubu ryitabiriwe na  Ndutiye Shyaka Maic ukina mu batarengeje ibiro 60  na Niyitanga Khalifa  ukina mu batarengeje ibiro 67 bagomba kurushanwa mu kiciro cy’abakuru “Seniors”. Aba bakinnyi bari kumwe n’umutoza w’ikipe y’igihugu, Nkuranyabahizi Noel.

Uretse aba bakinnyi n’umutoza, muri iri rushanwa hatumiwe n’umusifuzi mpuzamahanga muri uyu mukino  Mwizerwa Dieudonné.

Ubwo  iyi mikino yaberaga mu Rwanda umwaka ushize tariki 28 Kanama kugeza 02 Nzeri 2018, u Rwanda rwabashije kwegukana imidali 8.

Ndutiye Shyaka Maic yegukanye umudari wa zahabu  mu kiciro k’ingimbi “Junior” mu batarengeje ibiro 55 naho Niyitanga Khalifa yegukana  imidari 2 ya Feza  mu kiciro k’ingimbi mu batarengeje ibiro 61.

Abakinnyi baserukiye u Rwanda (iburyo)

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.