Intego yange ni yo ugufasha Patriots kwitwara neza – Hagumintwari

Yanditswe na Nkomeje Guillaume

Ku ya 03-01-2019 saa 13:48:13
Hagumintwari Steve (ufite umupira), utangaza ko afite intego yo gufasha Patriots BBC kwitwara neza muri uyu mwaka w'imikino wa 2018-2019

Hagumintwari Steve usanzwe ukinira Patriots BBC n’ikipe y’igihugu nkuru aravuga ko ashaka kuzafasha ikipe ye kuzitwara neza mu marushanwa atandukanye izakina muri uyu mwaka w’imikino wa 2018-2019.

Nk’uko yabitangarije Imvaho Nshya, Hagumintwari uri gukina umwaka we wa kabiri muri Patriots BBC avuga ko afite intego yo gukora ibishoboka byose agafasha ikipe ye haba mu marushanwa y’imbere mu gihugu ndetse no hanze.

Avuga ko ku giti ke urwego ariho atari rubi ko buri munsi agerageza gukora kugira ngo azamure imikinire yange. Ati “Ndi kugerageza gukina neza n’ubwo uko nkina ubu atari bibi ariko ntibiraba byiza kuko haraho uba ushaka kugera”.

Hagumintwari ni umwe mu bakinnyi 5 basanzwe babanza mu kibuga muri Patriots BBC yagize uruhare mu gufasha iyi kipe gutsinda REG BBC (82 kuri 78) mu mukino wa shampiyona wo ku munsi wa 9 uheruka kubahuza tariki 21 Ukuboza 2018.

Muri uyu mukino, Hagumintwari yakinnye iminota 42 n’amasegonda 37 aba umukinnyi watsinze amanota menshi (23). Ibi byaje gutuma, ifata umwanya wa kabiri n’amanota 10 mu mikino 5 inyma ya REG BBC iyoboye urutonde n’amanota 11 mu mikino 6.

Hagumintwari Steve wageze muri Patriots BBC muri 2017 avuye muri IPRC-Kigali BBC amaze gutwarana nayo ibikombe bitandukanye birimo igikombe cya shampiyona n’igikombe cya Playoffs mu mwaka wa 2017-2018.

Hagumintwari Steve (ufite umupira), utangaza ko afite intego yo gufasha Patriots BBC kwitwara neza muri uyu mwaka w’imikino wa 2018-2019

Umwanditsi:

Nkomeje Guillaume

Tanga Igitekerezo

Email yanyu ntigaragazwa ku rubuga. Amazina na Email ni ngombwa.