Kigali-Rwanda

Mostly cloudy
22°C
 

Ikipe   ya AJSPOR yakinnye umukino wa gicuti n’abayobozi n’abakozi ba CARAES Ndera

Yanditswe na BUGINGO FIDELE

Ku ya 25-02-2018 saa 18:32:54
Ikipe ya AJSPOR FC ubwo yari igiye gutangira umukino

Ikipe y’ishyirahamwe ry’abanyamakuru b’imikino mu Rwanda “AJSPOR” yakinnye umukino wa gicuti n’abayobozi n’abakozi bo mu bitaro bivura indwara zo mu mutwe n’iz’imyakura “CARAES Ndera”.

Ikipe ya AJSPOR FC ubwo yari igiye gutangira umukino

Uyu mukino wabereye i Ndera ku wa Gatanu tariki 23 Gashyantare 2018. Ikipe ya AJSPOR mu mupira w’amaguru yatsinze iya CARAES Ndera ibitego 3-2. Mbere y’uyu mukino ariko ikipe ya AJSPOR muri Volleyball yari yatsinzwe na CARAES Ndera amaseti 2-1 (26-24,21-25 na 15-11).

Ikipe ya CARAES Ndera mu mupira w’amaguru

Iyi mikino ikaba yarahuriranye no gutangiza imyiteguro ya Yubile y’imyaka 50 iki kigo kimaze gitanga ubuvuzi. Ibirori byo kwizihiza iyi Yubile bikaba biteganyijwe tariki 15 Kamena 2018.

Ubwo ikipe ya CARAES Ndera yakinaga na AJSPOR muri Volleyall

Ibi bitaro byashinzwe n’Abafurere b’Urukundo « Frères de la Charité »  mu 1968.  Umuyobozi w’ibi bitaro bya CARAES Ndera, Frere Nkubili Charles nyuma y’uyu mukino  yashimiye cyane ikipe y’abanyamakuru b’imikino mu Rwanda  kuba bemeye ko bakina uyu mukino mu rwego rwo gutangiza imyiteguro ya Jubile y’imyaka 50.

Umuyobozi w’ibi bitaro bya CARAES Ndera, Frere Nkubili Charles

Frere Nkubili yakomeje avuga ko bishimira ibikorwa  byakozwe n’ibi bitaro mu myaka 50 ishize mu gufasha abarwayi bo mu mutwe n’imyakura.

Umwe mu bavuriwe muri ibi bitaro, ubu akaba ayobora impuzamashyirahamwe y’abahavuriwe, Haragirimana Claver yatangaje ko  bashimira cyane ibitaro bya CARAES Ndera kuko babafashije  ubu bakaba barakize aho bakora imirimo inyuranye ifitiye igihugu akamaro.

Umuyobozi w’ishyirahamwe ry’abanyamakuru  b’imikino mu Rwanda « AJSPOR », Butoyi Jean  nawe yashimiye ubuyobozi  bwa   CARAES Ndera bwabatumiye muri uyu mukino wa gicuti  nk’abantu bahora mu bya siporo umunsi ku munsi    yabashishikarije gukomeza gushyira ingufu muri siporo kuko ifasha muri byinshi  birimo no guhuza abantu no gutuma abantu bagira ubuzima bwiza.

 

 

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.