Kigali-Rwanda

Partly sunny
18°C
 

Hinga ibihumyo: byera vuba, hagati y’iminsi 7-10 uba utangiye gusarura

Yanditswe na Mukagahizi Rose

Ku ya 17-07-2019 saa 15:11:40
Ibihumyo ntibigoye kubihinga, kandi bigira intungamubiri nyinshi

Nk’uko imfashanyigisho y’Ikigo k’Igihugu gishinzwe kohereza mu mahanga ibikomoka ku buhinzi n’ubworozi (NAEB) ibigaragaza, ngo ibihumyo ni kimwe mu bihingwa byerera igihe gito cyane hagati y’iminsi 7-10 uba utangiye gusarura, kandi ukamara amezi 3 usarura ahantu hamwe mu bihe bitandukanye.

Ikindi ni uko gutangira kugihinga ngo bidasaba amafaranga menshi ku buryo n’abakene babihinga. Ibihumyo kandi ntibisaba ikoranabuhanga rihambaye (rihanitse).

Ni igihingwa ngengabukungu kuko ku masoko asanzwe mu gihugu igiciro k’ibihumyo kiri hagati y’amafaranga y’u Rwanda 1000 na 2000 ku kiro. Ikindi bigafasha n’urubyiruko n’abagore kwihangira imirimo kandi bishobora kuba igisubizo cy’ubukene mu Rwanda.

Uretse kuba ibihumyo ari igihingwa cyahingwa na buri wese kandi kerera igihe gito, ubusanzwe ibihumyo ngo bigira intungamubiri nyinshi cyane, zikubye 2 ugereranije n’inyama ndetse n’ibindi bihingwa duhereye ko bikize kuri proteine, imyunyu ngugu n’amavitamine amwe n’amwe (B1,B2).

Nkuko iyi mfashanyigisho ya kiriya kigo, NAEB, ikomeza ibigaragaraza, ngo ibihumyo birinda indwara z’imirire mibi, bituma igifu gikora neza.

Ibihumyo byongera ubushobozi bw’umubiri mukwirwanaho, birinda indwara zijyanye no kugira amaraso make.

Ibihumyo kandi ngo bisaba ahantu hato cyane kandi bikera ku butaka ubwo ari bwo bwose mu gihugu ku buryo n’imiryango ikennye cyangwa n’ituye mu mugi ishobora kubihinga.

Ku bijyanye n’uburyo ibihumyo bihingwa, ngo hari uburyo bubiri butandukanye bwo guhinga ibihumyo. Hari ibihumyo bihingwa mu nzu hari n’ibyo bahinga mu butaka.

Bamwe mu bahinzi b’ibihumyo mu karere ka Gicumbi mu ntara y’Amajyaruguru barimo Mukamana Jeanne, bavuga ko ubu buhinzi bwatumye babasha kubona amafaranga bityo bakaba hari aho bavuye n’aho berekeza mu iterambere.

Umwanditsi:

Mukagahizi Rose

12 Comments on “Hinga ibihumyo: byera vuba, hagati y’iminsi 7-10 uba utangiye gusarura”

  1. Jyewe Nkunda ibihunyo umuryango wajye twasobanukiwe ko aribyo bifite intungamubiri kurusha inyama
    Rero konshaka kubihinga mwampa number ya mukamana Jeanne

  2. Ko maze igihe kirekire nifuza amahugurwa ou buhinzi bw’ibihumyo, mwamfasha iki?

    Umurama wo nawubona nte nk’umuntu wiyemeje kubikora kinyamwuga?

    Murakoze

  3. Mwiriwe neza, nitwa Gentil ndi I Musanze(Muhoza) . nashakaga guhinga ibihumyo. mwa mpaye Nimero ya telephone na address yahantu nabibona hafi murakoze

  4. Muraho. Kubashaka guhinga cyangwa kugura ibihumyo byeze byo kurya batuye kigali ndahamagara kuri 0783654371. Amakuru yose mukayahabwa. Dukorera kanombe

    1. Nibyo koko bariza kuri :0783654371/0788660611,
      Ushaka imigina y’ibihumyo ,amahugurwa kubuhinzi bw’ibihumyo n’ibijyana nabyo byose nk’ifu y’ibihumyo nibindi

  5. Murakoze. Ariko se umuntu yabona ate umuhinzi wabigize umwuga ngo amufashe gusobanukirwa neza uko bihingwa ari ibihingwa mu nzu cyangwa mu butaka. Nshaka kubihinga ariko nabuze ubumenyi. Muduhe numero twaboneraho ubufasha

  6. NANJYE ndashaka kuba umuhinzi w ibihumyo mu buryo bwa kinyamwuga. nakura he ubimfashamo, ku mahugurwa no kujya nitegurira imigina.?

  7. Muraho,kumuntu utuye I kibungo nihe yabasha kubona imigina y’ibihumyo hamwegereye ndashaka guhinga ibihumyo .Murakoze mugire amahoro

Leave a Reply to Odette Cancel reply

Email yanyu ntigaragazwa ku rubuga. Amazina na Email ni ngombwa.