Kigali-Rwanda

Partly cloudy
21°C
 

Handball:  U Rwanda ruzatangira ruhura na Senegal mu mikino y’Afurika

Yanditswe na NKOMEJE GUILLAUME

Ku ya 02-08-2018 saa 05:48:29
Abakinnyi b'ikipe y'u Rwanda batarengeje imyaka 20 bakomeje imyitozo bitegura imikino y'Afurika

Tariki 08-08-2018

Rwanda – Senegal (Amahoro-16h30)

Tariki 10-08-2018

Rwanda – Madagascar (Amahoro-16h30)

Ikipe y’igihugu y’abahungu batarengeje imyaka 20 “U20”, mu mukino wa Handball,  izahura na Senegal mu mukino wa mbere mu mikino y’Afurika y’abakiri bato, “IHF Trophy 2018”, izabera i Kigali mu Rwanda kuva tariki 7 kugeza 12 Kanama 2018.

Abakinnyi b’ikipe y’u Rwanda batarengeje imyaka 20 bakomeje imyitozo bitegura imikino y’Afurika

Uyu mukino w’u Rwanda Ikipe izaba ihagarariye akarere ka 5 “CAHB Africa-Zone V”, na Senegal yo muri zone ya 2 “CAHB Africa-Zone II”, ukaba ari uwo mu itsinda rya kabiri “B”, uzabera ku kibuga kiri Kuri Sitade Amahoro i Remera tariki 8 Kanama 2018 (16h30).

Iyi kipe y’u Rwanda izaba iri mu rugo, izongera kugaruka mu kibuga tariki 10 Kanama 2018, ihura na Madagascar yo muri Zone ya VII “CAHB Africa-Zone VII”, kuri Sitade Amahoro (16h30).

Iyi mikino izitabirwa n’bihugu 6, mu itsinda rya mbere “A”, riherereyemo DRC yo na Cameroun zo muri Zone “CAHB Africa-Zone IV” na Nigeria yo muri Zone III “CAHB Africa-Zone III”.

Ikipe y’u Rwanda U20 itozwa na Bagirishya Anaclet wungirijwe na Mudaharishema Sylvestre, ikomeje imyiteguro y’iyi mikino y’Afurika, ikaba ikorera imyitozo kuri Sitade Amahoro i  Remera.

Abakinnyi 18 b’iyi kipe y’igihugu bari mu mwiherero kuva tariki 25 Nyakanga 2018, mu rwego rwo kurushaho kwitegura neza iyi mikino, uyu munsi barakina umukino wa gicuti n’ikipe ya Police HBC, ubere kuri Sitade Amahoro i Remera (10h00).

Ikipe y’u Rwanda U-20 yabonye itike yo kuzakina iyi mikino nyuma y’uko yegukanye igikombe cy’amarushanwa y’akarere ka 5 “IHF Challenge Trophy”, itsinze Uganda ku mukino wa nyuma ibitego 32 kuri 27. Aya marushanwa yahuzaga ibihugu 9, bigize Akarere k’Afurika y’Uburasirazuba kazwi nka “Zone 5”, yabereye muri Uganda kuva tariki 14 kugeza 20 Gicurasi 2018.

Iyi mikino ya “IHF Trophy 2018”, izaba mu byiciro bibiri, ari byo mu batarengeje imyaka 18 ndetse na 20, ikaba izitabirwa n’ibihugu bitandatu, igamije gushaka itike yo kuzakina imikino mpuzamigabane “IHF Trophy Intercontinental Phase” izaba muri uyu mwaka.

 

 

 

 

 

 

 

 

 

Umwanditsi:

NKOMEJE GUILLAUME

Tanga Igitekerezo

Email yanyu ntigaragazwa ku rubuga. Amazina na Email ni ngombwa.