Kigali-Rwanda

Mostly cloudy
21°C
 

Handball: Police HBC yitwaye neza mu mikino ibanza ya “Playoffs 209”

Yanditswe na BUGINGO FIDELE

Ku ya May 5, 2019

ADEGI 30-42 Police HBC

Inyemeramihigo 26-42 APR HBC

Inyemeramihigo 42-37-ADEGI

APR HBC 39-40 Police HBC

Ikipe ya Police HBC yitwaye neza mu mukino ibanza ya  kamarampaka “Playoffs 2019”. Iyi mikino yabereye i Gituza  ejo hashije tariki 04 Gicurasi 2019, Police HBC yitwaye neza itsinda imikino yayo 2.

Iyi kipe ya Police HBC yatsinze ADEGI ibitego 42 kuri 30 aho uwatsinze ibitego byinshi yabaye Kayijamahe Yves ukinira ADEGI (10). Umukino wa kabiri Police HBC yatsinze bigoranye ikipe ya APR HBC basanzwe bahanganiye igikombe ibitego 40 kuri 39.

Muri uyu mukino Police HBC yabanje gutsindwa kuko igice cya mbere APR HBC yakirangije iri imbere n’ibitego 23 kuri 18 ariko umukino birangira Police HBC ari yo  ibonye ku nsinzi y’ibitego 40 kuri 39.

Umukinnyi wa Police HBC, Nshimiyimana Alexis ni we watsinze amanota menshi muri uyu mukino (10).

Mu yindi mikino yabaye, APR HBC yatsinze  College Inyemeramihigo ibitego 42 kuri 26 aho Akayezu Andrew ukinira APR HBBC  ari we watsinze ibitego byinshi (09) naho undi mukino ADEGI itsinda College Inyemeramihigo ibitego 42 kuri 37 aho  Kayijamahe Yves ukinira ADEGI  ari we watsinze ibitego byinshi (16).

Nyuma y’iyi mikino, Police HBC irayoboye n’amanota 6, APR HBC n’amanota 3, ADEGI  nayo ifite amanota 3 naho College Inyemeramihigo nta nota na rimwe.

Tariki 12 Gicurasi 2019 ni bwo hazakinwa imikino yo kwishyura izabera i Rubavu. Izi kipe nabwo zikazongera guhura nk’uko zahuye ku munsi wa mbere. Ikipe  2 za mbere zigomba kuzakina umukino wa nyuma ari nabwo hazamenyekana ikipe izegukana igikombe cya shampiyona ya 2019.

Twabibutsa ko uyu mwaka wa shampiyona  ya 2019 habayeho impinduka amakipe akinira mu duce “League” aho mu gice  cy’Uburengerazuba “League West” harimo Police HBC,  College Inyemeramihigo, ES Kigoma, Munyove  na UR Huye naho  igice cy’Uburasirazuba  harimo APR HBC, ADEGI HBC, Nyakabanda HBC , Gicumbi HBC, UR Rukara na ES Kabarondo.

Nshimiyimana Alexis, umwe mu bafashije Police HBC gutsinda APR HBC bigoranye mu muino ubanza wa Playoffs 2019