Kigali-Rwanda

Mostly cloudy with showers
25°C
 

Handball: Police HBC yigaranzuye APR HBC iyitwara igikombe  cy’Intwari

Yanditswe na BUGINGO FIDELE

Ku ya 06-02-2018 saa 07:48:52
Abakinnyi ba Police HBC bishimira igikombe

Ikipe ya Police HBC ni yo yegukanye igikombe k’irushanwa ry’Intwari itsinze APR HBC  ibitego  46  kuri 37  akaba ari yo yari ifite iki gikombe yegukanye umwaka ushize wa 2017 nayo itsinze Police HBC.

Abakinnyi ba Police HBC bishimira igikombe

Iyi mikino y’irushanwa ry’Intwari ” National Heroes Cup 2018″  yatangiye tariki 03 isozwa 04 Gashyantare 2018. Yitabiriwe n’amakipe 11 mu bagabo aho yashyizwe mu matsinda 3.

Mu itsinda APR HBC yitwaye neza izamuka iyoboye n’amanota 6 ikurikiwe na ES Kigoma (5) na UR-CBE. Mu itsinda B, Police HBC yazamutse ifite amanota 9 ikurikiwe na  GS Munyove (7),GS St Aloys (5) na GS de la Salle (3) naho mu itsinda C , Inkumburwa yazamutse ifite amanota 7, ikurikirwa na ADEGI (7), Nyakabanda (7)  na UR Nyagatare (3).

Buri kipe yari iyoboye itsinda yakomeje muri 1/2  ni ukuvuga APR HBC, Police HBC n’Inkumburwa nyuma hiyongeraho  ikipe ya ADEGI yabaye iya kabiri mu itsinda C  kuko yari ifite amanota 7 n’ibitego 21 izigamye.

Mu mikino ya 1/2, APR HBC yatsinze ADEGI ibitego 46 kuri 21 naho Police HBC itsinda Inkumburwa ibitego 48 kuri 19. Ku mukino wa nyuma Police HBC itsinda  APR HBC ibitego 46 kuri 37

Mu bagore hitabiriye amakipe  5 ariyo ES Kirambo, APPEGA, Gorillas , GS Mwendo na GS de la  Salle  nyuma yo gukina hagati yayo, ikipe ya ES Kirambo na Gorillas yari ifite iki gikombe cya 2017 ni zo zakinnye umukino wa nyuma ES Kirambo itsinda Gorillas ibitego 20 kuri 16.

Ikipe ya Police HBC mu bagabo na ES Kirambo mu bagore zegukana igikombe zanahawe ibihumbi 150  naho Gorillas na APR HBC zihabwa ibihumbi 100 mu gihe GS de la Salle mu bagore na ADEGI zahawe ibihumbi 50.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.