17°C , Thunderstorms | Kigali-Rwanda

Handball: Police HBC ntabwo izitabira imikino y’Afurika

Yanditswe na Bugingo Fidèle

Ku ya 21-09-2019 saa 17:32:38
Ikipe ya Police HBC ntabwo izitabira imikino y'Afurika

Ikipe ya Police HBC yo mu Rwanda yegukanye igikombe cya shampiyona ya 2019 ntabwo izitabira imikino ihuza amakipe yabaye aya mbere iwayo muri Afurika “Championnat d’Afrique des Clubs Champions” izabera muri Cap Vert kuva tariki 04 kugeza 13 Ukwakira 2019.

Ubuyobozi bw’iyi kipe butangaza ko kubura ubufasha bwa Minisiteri y’Umuco na Siporo ‘MINISPOC” ari byo byatumye batitabira iri rushanwa.

Tariki 20 Nzeri 2019 ni bwo habaye tombola y’uko amakipe azahura mu bagabo n’abagore.

Mu kiciro cy’abagabo hazitabira amakipe 10 akaba agabanyije mu matsinda abiri aho itsinda A ririmo Sporting Club (Misiri),Inter Club (Angola),JSK (RDC),Red Star (Cote d’Ivoire) naAtletico de Mindelo (Cap Vert). Itsinda B ririmo Zamalek (Misiri), Widad Smara (Maroc), FAP (Cameroun) Etoile (Congo Brazza) na Desportivo Praia (Cap vert).

Mu kiciro cy’abagore ni amakipe 9 agabanyije mu matinda abiri aho itsinda A ririmo amakipe 5 ari yo Premero do Agosto (Angola), DGSP (Congo Brazza),Hiritage (RDC),FAP (Cameroun) na Bandama HBC (Cote d’Ivoire). Itsinda B ririmo amakipe 4 ari yo Petro Atletico (Angola), Abo Sports (Congo Brazza), Evabuka (RDC) na Atletico do Mindelo (Cap Vert).

Umwaka ushize muri 2018 iri rushanwa ryabereye muri Cote d’Ivoire ariko nta kipe y’u Rwanda yitabiriye. Ikipe ya Zamalek yo Misiri ni yo yegukanye igikombe itsinze Al Ahly nayo yo mu Misiri ku mukino wa nyuma ibitego 27 kuri 25. Iyi kipe kipe ya Zamalek ni nayo ifite iki gikombe inshuro nyinshi (11).

Muri 2017 ni bwo ikipe yo mu Rwanda iheruka kwitabira, APR HBC yitabiriye iyi mikino isoreza ku mwanya wa nyuma wa 14.

Ikipe ya Police HBC itabashije kwitabira muri 2016 ni bwo yaherukaga kwitabira imikino nk’iyi aho yasoreje ku mwanya wa nyuma wa 11.

Umwanditsi:

Bugingo Fidèle

Tanga Igitekerezo

Email yanyu ntigaragazwa ku rubuga. Amazina na Email ni ngombwa.