Kigali-Rwanda

Partly cloudy
18°C
 

Handball: Haratangira imikino y’irushanwa ryo kwibuka

Yanditswe na NKOMEJE GUILLAUME

Ku ya Jun 16, 2018

Uyu munsi tariki 16 Kamena 2018, haratangira imikino y’irushanwa ngarukamwaka ryo kwibuka abari abakinnyi, abatoza n’abakunzi b’umukino wa Handball bazize Jenoside yakorewe Abatutsi mu 1994 “Handball Genocide  Memorial Tournament 2018”.

Ikipe ya Police HBC ifite igikombe k’irushanwa ryo kwibuka riheruka iratangira ikina na St Aloys

Iri rushanwa ryitabiriwe n’amikipe 15 y’imbere mu gihugu ndetse no hanze mu bagabo n’abagore.

Mu makipe 15 arimo 9 y’abagabo na 6 y’abagore. Aya makipe 9 agabanyije mu matsinda 3. Itsinda rya mbere “A” ririmo Police HBC ifite igikombe giheruka, St Aloys HBC na ES Kigoma HBC. Irya kabiri “B”, rigizwe na APR HBC, Makerere (Uganda) na ADEGI naho itsinda rya 3 ririmo Evergreen (Uganda), Nyakabanda na  Inyemeramihigo.

Mu kiciro cy’abagore, iItsinda “A” ririmo ES Kirambo, ES Kabarondo na ES Gikonko naho itsinda “B” rigizwe na Nkajja (Uganda), TTC de la Salle na APPEGA .

Uko imikino iteganyijwe ku munsi wa mbere w’iri rushanwa

Mu itsinda “A” rikinira ku Kimisagara, Police HBC irakina na St Aloys HBC (09h00), ES Kigoma HBC ikine na St Aloys (10h15) naho Police HBC ikine na ES Kigoma (11h30).

Mu itsinda B, riza gukinira ku kibuga kiri hanze ya Sitade Amahoro i Remera, APR HBC irakina na Makerere (11h30), APR HBC ikine na ADEGI (10h15) naho Makerere ikine na ADEGI (09h00).

Mu itsinda C, rikinira ku kibuga kiri muri Sitade Amahoro i Remera, Evergreen irakina na Inyemeramihigo (09h00), Nyakabanda ikine na Inyemeramihigo (10h15) naho Evergreen ikine na Nyakabanda (11h30).

Mu bagore bazakina ku munsi w’ejo tariki 17 Kamena 2018, mu itsinda A, ES Kirambo izakina na ES Kabarondo (09h00), ES Kabarondo ikine na ES Gikonko (10h00) naho ES Gikonko ikine na ES Kirambo (11h00).

Mu itsinda B, Nkajja izakine na TTC de la Salle (09h00), APPEGA ikine  na TTC de la Salle (10 h000 naho APPEGA ikine na Nkajja (11h00).