Kigali-Rwanda

Mostly cloudy
21°C
 

Goalball: Shampiyona ya 2019 yitabiriwe n’amakipe 14

Yanditswe na Rutayisire Emile

Ku ya 18-02-2019 saa 17:20:50
Ikipe ya Gisagara imwe yagaragaje ko ikomeye muri shampiyona ya 2019 ( Photo Emile.R )

Shampiyona y’umukino w’abafite ubumuga bwo kutabona “Goalball” muri uyu mwaka wa 2019 yitabiriwe n’amakipe 14 ikaba yarabaye mu mpera z’icyumweru gishize ibera ku kibuga kiri mu kigo cya HVP Gatagara i Rwamagana.

Mu mikino yabaye mu bagabo, tariki 16 Gashyantare 2019 ahitabiriye amakipe 10, HVP-Gatagara/Rwamagana yatsinze UR-Rukara ibitego 11-1, Gisagara itsinda Musanze ibitego 13-3, Bugesera itsinda Ngororero 8-7, Bugesera itsinda UR-Rukara 15-6, Kirehe inganya na HVP-Gatagara/Rwamagana 4-4.

Aha kandi, Karongi yatsinze Musanze ibitego 10-6, HVP-Gatagara/Rwamagana itsinda Musanze ibitego 10-8, HVP-Gatagara/ Rwamagana yatsinze Ngororero ibitego 1-22 naho Kirehe itsinda Bugesera 12-3.

Mu bakobwa hakinwe umukino umwe aho HVP-Gatagara/Rwamagana yatsinze Musanze ibitego 10-8.

Iyi mikino yaje gukomeza tariki 17 Gashyantare 2019, Karongi yatsinze Kirehe ibitego 11-1, Gisagara itsinda Nyaruguru ibitego 10-0, HVP-Gatagara/Rwamagana yatsinze Bugesera ibitego 9-1.

Perezida w’Ishyirahamwe ry’imikino y’abatabona, NBSA, Safari William yatangarije Imvaho Nshya ko hari hiyandikishije amakipe 11 y’abagabo ariko, haboneka 10 kuko ikipe ya Rubavu itabashije kuboneka.

Safari uyobora NSBA ashimira uturere dutera inkunga amakipe y’abafite ubumuga kuko bituma basabana n’abandi. Ati “Imikino y’abatabona irashimisha, ababyeyi bafite abana batabona bage babohereza gukina kandi na bo bazane n’abandi gufana abakinnyi kuko bibatera imbaraga bakava mu bwigunge.”

Sibomana Aimable, Umunyamabanga wa NBSA yatangaje ko muri uyu mwaka wa 2019, nyuma y’iyi mikino, izakomereza i Musanze tariki 9-10 Werurwe 2019, Rubavu tariki 12-13 Gicurasi 2019 na Kigali ari naho hazabera imikino ya nyuma tariki ya 8-9 Kamena 2019.

Aya makipe 14 yitabiriye; mu bagabo hari Musanze, HVP Gatagara/Rwamagana, Ngororero, Karongi, Gisagara, Bugesera, UR-Huye, UR-Rukara, Nyamagabe na Kirehe. Ay’abakobwa ni Musanze, Nyarugenge, UR-Huye na HVP Gatagara/Rwamagana.

Ikipe ya Gisagara imwe yagaragaje ko ikomeye muri shampiyona ya 2019 ( Photo Emile.R )

Umwanditsi:

Rutayisire Emile

Tanga Igitekerezo

Email yanyu ntigaragazwa ku rubuga. Amazina na Email ni ngombwa.