22°C , Partly cloudy | Kigali-Rwanda

Girubuntu yahagaritse umukino wo gusiganwa ku magare

Yanditswe na BUGINGO FIDELE

Ku ya 20-02-2018 saa 07:19:49
Girubuntu Jeanne D'Arc wamaze gutangaza ko ahagaritse gukina umukino wo gusiganwa ku magare

Nyuma ya shampiyona y’Afurika mu mukino wo gusiganwa ku magare yabereye mu Rwanda “African Continental Cycling Championships 2018”, Girubuntu Jeanne D’arc yatangaje ko asezeye umukino wo gusiganwa ku magare.

Girubuntu Jeanne D’Arc wamaze gutangaza ko ahagaritse gukina umukino wo gusiganwa ku magare

Abinyujije ku rubuga rwe rwa “Facebook” yagize ati :“Ndashimira abantu bose  bamfashije ntangira gutwara igare”. Aha yavuze by’umwihariko Rugambwa John utoza ikipe y’i Rwamagana, Uwineza Diane, Niyonshuti Adrien na Bayingana Aimable, Perezida w’ishyirahamwe ry’umukino w’amagare mu Rwanda “FERWACY”.

Girubuntu yakomeje agira ati:Nta bwo muzongera kumbona mu irushanwa kubera ikibazo kitanturutseho cy’uburwayi, simbaraga nabuze cyangwa  abatoza oya ni uburwayi bukomeye butanyemerera gukomeza”.

Kuri iki kibazo, Perezida wa FERWACY, Aimable Bayingana  yavuze ko atari yabimenye  ahubwo  asobanura uko ikibazo cya Girubuntu kimeze. Yagize ati:“Nta burwayi afite ni umubiri agomba kuba yaravukanye kuko amaguru ye ntareshya, twaramuvuje uko dushoboye,  twamujyanye mu Bitaro byitiriwe Umwami Faisal bati nta kindi twabikoraho uretse kumuha inyunganirangingo barayimuha”.

 Yakomeje avuga ko kumuvuza nta kundi uretse kumujyana hanze bakamubaga kandi nabyo  bikaba bitanga ikizere ko yagaruka mu mukino w’amagare.

Girubuntu w’imyaka 22 yatangiye gukina uyu mukino muri 2013 agaragaza ko azavamo umukinnyi ukomeye kuko yitabiriye amarushanwa atandukanye ndetse anegukana imidali muri shampiyona y’Afurika nko muri 2016 yegukanye umudali wa Feza. Muri shampiyona ya 2018 nta bwo yasoje isiganwa.

 

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.