Kigali-Rwanda

Mostly cloudy
18°C
 

Gahunda y’igihe cyo guhatana ku baserukiye u Rwanda mu mikino Olempike 2020

Yanditswe na BUGINGO FIDELE

Ku ya 27-07-2021 saa 21:22:34

Kuva  taliki 23 Nyakanga 2021 i Tokyo mu Buyapani harimo kubera imikino Olempike 2020. Mu bakinnyi 5 baserukiye u Rwanda, bane bazahatana taliki 30 Nyakanga   na 08 Kanama 2021.

Ubwo iyi mikino yatangiraga,  taliki 24 Nyakanga 2021 ni  bwo umukinnyi Mugisha Moise ukina umukino w’amagare yahatanye ariko  ntiyasoza isiganwa ndetse  akaba yamaze no kuva i Tokyo agaruka mu Rwanda.

Abandi bakinnyi  4 basigaye  gahunda y’uko bazahatana ni uko taliki 30 Nyakanga 2021, Yankurije Marthe azasiganwa metero 5000. Maniraguha Eloi ndetse na  Agahozo Alphonsine basiganwe metero 50 mu Koga naho   taliki 08 Kanama 2021, Hakizimana John azasiganwe muri Marato (42 km).

Taliki 25 Nyakanga 2021, Umunyamuryango  wa Komite Olempike Mpuzamahanga “Rwandan IOC Member”, Rwemalika Felecite ari kumwe n’Umunyamabanga Mukuru wa Komite Olempike y’u Rwanda, Kajangwe Joseph basuye abakinnyi aho baba “Olympic Village”.

Rwemalika yabwiye abakinnyi ko  bishimira umuhati wabo anabibutsa ko Abanyarwanda bose babahanze amaso ari nayo mpamvu abasaba gukora cyane kugira ngo bazitware neza.

Yankurije Marthe

Maniraguha Eloi (ibumoso) na Agahozo Alphonsine

Hakizimana John

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.