Cricket: Telugu Tigers CC yatsinze umukino wa mbere muri shampiyona y’ikiciro cya kabiri

Yanditswe na BUGINGO FIDELE

Ku ya 29-07-2019 saa 16:08:39
Ikipe ya Telugu Tigers CC nyuma yo gutsinda Spartans CC

Ikipe ya  Telugu Tigers CC  yatsinze ikipe  ya Spartans CC mu mukino wa  mbere wa shampiyona y’ikiciro cya kabiri mu bagabo.

Uyu mukino wabereye ku kibuga cya IPRC Kicukiro tariki 28 Nyakanga 2019,  Telugu Tigers CC yatsinze Spartans CC ku kinyuranyo cy’amanota 46. Iyi kipe ya Telugu Tigers CC yakoze amanota 180  hanyuma  Spartans CC ntiyabasha gukuramo aya manota kuko yatsinze 134.

Jyothibasu Ravula  ukinira ikipe ya Telugu Tigers CC ni we watsinze amanota menshi 84 ndetse anaba umukinnyi witwaye neza mu mukino wose.

Uyu wari umukino wa kabiri ubaye muri shampiyona  y’ikiciro cya mbere n’icya kabiri mu mukino wa Cricket RCA-Unimoni Premier League 2019”. Tariki 21 Nyakanga 2019 ni bwo hatangiye shampiyona   aho mu kiciro cya mbere  ikipe ya Right Guards CC  yatsinze Vikings  CC.

Iyi shampiyona RCA-Unimoni Premier League 2019” izitabirwa n’amakipe 24 mu bagabo  n’abagore  mu kiciro cya mbere n’icya kabiri.  Shampiyona ya 2018 yegukanwe n’ikipe ya Challengers CC mu bagabo naho mu bagore igikombe kegukanwa n’ikipe ya White Clouds CC.

Ikipe ya Telugu Tigers CC nyuma yo gutsinda Spartans CC

Jyothibasu Ravula ukinira ikipe ya Telugu Tigers CC watsinze amanota menshi akaba n’umukinnyi witwaye neza mu mukino wose

Ikipe ya Spartans CC

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.