Kigali-Rwanda

Partly sunny
26°C
 

Cricket:  Nigeria yegukanye irushanwa ry’Afurika mu batarengeje imyaka 19

Yanditswe na  BUGINGO FIDELE

Ku ya Aug 30, 2018

Kuva tariki 19 kugeza 28 Kanama 2018, muri Afurika y’Epfo mu mujyi wa Potchefstroom habereye imikino y’Afurika mu batarengeje imyaka 19 “ICC African U-19 Cricket Championship” mu rwego rwo gushaka itike  y’igikombe k’Isi kizaba muri 2020 “U-19 Cricket World Cup 2020”.

Abakinnyi b’ikipe ya Nigeria bishimira igikombe

Ikipe ya Nigeria ni yo yegukanye igikombe itsinze ku mukino wa nyuma ikipe ya Sierra Leone. Nigeria yari yasezereye Tanzania muri ½ naho Sierra Leone  yasezereye Mozambique.

Iyi kipe ya Nigeria yahise ikomeza mu kindi kiciro aho izahura n’ikipe ya Uganda, Kenya na Namibia hakavamo ikipe imwe izasanga Afurika y’Epfo na Zimbabwe zo zifite itike akaba ari zo zizahagararira Afurika muri iyi mikino izabera muri Afurika y’Epfo.

Ikipe y’u Rwanda yavirimo mu majonjora

Iri rushanwa ryari ryitabiriwe n’ibihugu 9 bigabanyije mu matsinda abiri, itsinda A ryarimo  Sierra Leone , Tanzania, Botswana,   u Rwanda  na Swaziland ariko yakurikiranye naho itsinda B ririmo Nigeria, Mozambique, Ghana na Lesotho, aha nayo akaba ariko yakurikiranye.

Sierra Leone  na Tanzania  ni zo zahise zikomeza muri ½  ziyoboye itsinda A naho Nigeria na Mozambique zizamuka ziyoboye itsinda B. Ikipe y’u Rwanda yasoje ku mwanya wa 4 mu itsinda aho mu mikino 4 yatsinze umukino 1 igatsindwa 3.