Kigali-Rwanda

Mostly cloudy
22°C
 

Cricket: Haratangira irushanwa mpuzamahanga ryo kwibuka

Yanditswe na NKOMEJE GUILLAUME

Ku ya 07-06-2018 saa 08:01:13
Ikipe y'igihugu ya Kenya bishimira irushanwa mpuzamahanga ryo kwibuka begukanye mu mwaka ushize wa 2017

Uyu munsi

Rwanda-Uganda (Gahanga-9h30)

Kenya-Uganda (Gahanga-14h00) 

Ejo tariki 08.06.2018

Rwanda-Kenya (Gahanga-9h30)

Rwanda-Uganda (Gahanga-14h00)

Tariki 09.06.2018

Rwanda-Kenya (Gahanga-9h30)

Uganda-Kenya (Gahanga-14h00)

Kuri uyu wa Kane tariki 7  kugeza 11 Kamena 2018 hateganyijwe  irushanwa mpuzamahanga ryo kwibuka “Abasiportifs” bazize Jenoside yakorewe Abatutsi mu 1994 “Kwibuka cricket for peace Tournament 2018” riza kuba rikinwa ku nshuro ya gatanu.

Ikipe y’igihugu ya Kenya bishimira irushanwa mpuzamahanga ryo kwibuka begukanye mu mwaka ushize wa 2017

Mu ishyirahamwe ry’umukino wa Cricket mu Rwanda “RCA” batangaza ko iri rushanwa rizakinwa  nk’uko bisanzwe mu kiciro cy’abagore rizaba ryitabiriwe n’ibihugu 3 ari byo u Rwanda, Kenya na Uganda.

Ku munsi wa mbere w’iri rushanwa, ikipe y’u Rwanda irakina na Uganda (9h30), ukurikirwe n’uwa Kenya na  Uganda (14h00). Iyi mikino yombi irabera ku kibuga k’i Gahanga.

Ku munsi wa kabiri, ejo tariki 07 Kamena 2018, ikipe y’u Rwanda izahura na Kenya (09h30) naho u Rwanda ruzongere rukine na Uganda (14h00), ni imikino yombi izabera i Gahanga.

Iri rushanwa rizakomeza ku wa Gatandatu tariki 09 Kamena 2018, u Rwanda-ruzahura na Kenya (09h30) naho Uganda ikine na Kenya (14h00), bazakinire i Gahanga.

Muri iri rushanwa uretse gufata umunota wo kwibuka mbere ya buri mikino, mbere y’uko iri rushanwa ritangira ejo hashize tariki 06 Kamena 2018, amakipe yose yabanje gusura Urwibutso rwa Jenoside rwa Kigali ku Gisozi aho basobanuriwe amateka y’itegurwa n’ishyirwa mu bikorwa rya Jenoside yakorewe Abatutsi mu 1994.

Irushanwa riheruka rya 2017, Kenya ni yo yegukanye igikombe itsinze Uganda ku mukino wa nyuma amanota 113 kuri 78, naho ikipe ya Uganda U-23 yegukana  umwanya wa gatatu itsinze u Rwanda amanota 133 kuri 78.

 

 

 

 

 

 

 

 

 

 

 

 

 

 

 

Umwanditsi:

NKOMEJE GUILLAUME

Tanga Igitekerezo

Email yanyu ntigaragazwa ku rubuga. Amazina na Email ni ngombwa.