21°C , Mostly cloudy | Kigali-Rwanda

COVID-19: Intara y’Amajyaruguru yakiriye inkingo za AstraZeneca 40,000

Yanditswe na NYIRANEZA JUDITH

Ku ya 04-03-2021 saa 21:18:41
Mu Ntara y'Amajyaruguru hagejejwe inkingo 40,000 zo gukingira Covid-19 (Foto Intara y'Amajyaruguru)

Intara y’Amajyaruguru ku kubitiro yashyikirijwe inkingo za COVID-19 zo mu bwoko bwa AstraZeneca ibihumbi 40, biteganyijwe ko zizatangira guterwa abo zigenewe muri iyo Ntara kuri uyu wa Gatanu tariki ya 5 Werurwe 2021.

Guverineri w’Intara y’Amajyaruguru, Gatabazi Jean Marie Vianney ku gicamunsi cyo kuri uyu wa Kane tariki ya 04 Werurwe 2021, ari kumwe n’Umuyobozi w’Akarere ka Musanze Madamu Nuwumuremyi Jeannine, n’Umuyobozi w’Ibitaro Bikuru bya Ruhengeri Dr. Muhire Philbert, bakiriye icyiciro cya mbere cy’inkingo za COVID-19 ibihumbi cumi na magana atanu zigenewe Ibigo Nderabuzima cumi na bitandatu biherereye mu Karere ka Musanze.

Guverineri Gatabazi yavuze ko igikorwa cyo gukingira abaturage COVID-19 mu Ntara y’Amajyaruguru kizatangira kuri uyu wa Gatanu tariki 05 Werurwe kandi ko iyi Ntara yagenewe inkingo zo mu bwoko bwa Astrazeneca ibihumbi mirongo ine muri iki cyiciro cya mbere.

Yasabye abaturage batoranyijwe gukingirwa ku ikubitiro COVID-19 kuzitabira iki gikorwa uko bikwiye ndetse asaba n’abasigaye gutegerezanya icyizere kuko na bo inkingo zizabageraho mu gihe kiri imbere.

Iki kigorwa cyakozwe mu Gihugu hose aho mu bice by’icyaro cya kure indege za gisirikare z’Ingabo z’u Rwanda ndetse n’iza Polisi y’u Rwanda ari zo zifashishijwe mu kuzigeza aho zikenewe.

 

Umwanditsi:

NYIRANEZA JUDITH

Tanga Igitekerezo

Email yanyu ntigaragazwa ku rubuga. Amazina na Email ni ngombwa.