Kigali-Rwanda

Mostly cloudy
19°C
 

Collège Saint André /Nyamirambo yatahuye ibanga ryo gutsindisha Abanyeshuri: Gushyira imbere imyitwarire myiza

Yanditswe na admin

Ku ya 23-01-2018 saa 14:53:23

Ikigo cya Arkidiyosezi ya Kigali cy’amashuri yisumbuye cyitiriwe Mutagatifu Andreya (Collège Saint André) giherereye i Nyamirambo mu karere ka Nyarugenge mu mujyi wa Kigali cyabaye ubukombe mu burezi bufite ireme mu Rwanda guhera mu mwaka wa 1957.

Kuri Saint André, imyitwarire myiza iza ku isonga ry’indangagaciro

Umuyobozi w’iri shuli Padiri Faustin Nshubijeho wo muri Arikidiyosezi ya Kigali, yatangarije Imvaho Nshya ko rimwe mu mabanga bifashisha mu kuba intangarugero ari ukwibanda ku Kinyabupfura, ugukunda abanyeshuri byiyongeraho kubakundisha Imana, kubana na bo buri munsi no kubabera urugero rwiza.

Padiri Nshubijeho Faustin, Umuyobozi w’Ishuri St André

Yagize ati “Ibanga nta rindi, ritari ugukunda abana turera tukabakundisha n’Imana. Iyo umwana akunzwe akunda n’ibyo umukunze amukundisha… Mu bijyanye no kwiga burya abana bagomba kugira uwo bareberaho; twebwe iyo tugiye mu burezi turahaba tukabana na bo, tugasangira amasaha 24/24, umunsi ku wundi.”

Yakomeje ashimangira ko indangagaciro bigisha abana ziri mu bishyigikira inzozi n’inshingano bafite mu buzima bwabo bwa buri munsi. Indangagaciro bibutswa buri gihe zirimo  ikinyabupfura, kwigirira icyizere, isuku n’izindi ziyongeraho guhabwa amasuzumabumenyi (tests) ateguye ku buryo bw’ikizamini cya Leta buri ku wa gatatu w’icyumweru.

Aya masuzumabumenyi barayamenyera ku buryo igihe cy’ibizami kigera  biteguye neza. Collège St André yigamo abanyeshuri bagera ku 1050, abahungu n’abakobwa, abacumbikirwa nabiga bataha.

Abana biga muri College St André bahakura uburere, ubumenyi n’ubuhanga bituma bagira itandukaniro

Mu bizamini bisoza icyiciro cya mbere cy’amashuri yisumbuye by’umwaka ushize wa 2017 iki kigo cyatsindishije ku kigero cya 100% abanyeshuri 118, abagera ku 105 bari muri diviziyo (Division) ya mbere naho 13 bari mu ya kabiri ari nako bose bahabwa ibigo bashaka bicumbikira abanyeshuri (boarding schools).

Indangagaciro Nyarwanda zihuzwa n’ubuzima bw’ishuri

Padiri Nshubijeho ashimangira ko Collège St André ishyira imbere imyitwarire myiza kuko ari yo ntandaro y’intsinzi mu ishuri no mu buzima busanzwe.

Mu masaha ya mugitondo mbere y’amasomo bahurira hamwe bakaganirizwa. Ibi bikorwa iyo bavuye mu missa n’amasengesho ya buri munsi bitewe n’idini umwana asengeramo.

Aha ni muri Chepelle abanyeshuri basengeramo ibamu kigo

Baganirizwa ku ndangagaciro nyarwanda na kirazira zikanahuzwa n’ubuzima babayeho ku ishuri, kandi bagasobanurirwa n’uburyo bibafasha gutegura kuba abagabo n’abagore cyangwa abihayimana banogeye igihugu n’imiryango bavukamo.

Yakomeje agira ati “No mu masomo umwana umwereka ko bidahagije gutsinda ahubwo agomba no kuba ari umuntu, akunda Imana. Ntiyakunda Imana atabona adakunda bagenzi be bigana. Abo bagenzi be iyo abakunda, barigana bagafashanya ugasanga bari kuzamukira hamwe.”

Padiri Faustin  avuga ko bazakomeza gusigasira ibyagezweho muri iki kigo mu myaka 61 kimaze, ndetse bagakomeza gukorana n’ababyeyi mu guharanira uburere bushyitse bw’abanyeshuri.

Yasabye ababyeyi batita ku bana, n’abitwara nabi mu miryango kubihagarika bagakurikirana urubyaro rwabo kuko ari impano bagabanye zisaba kutaba ntibindeba.

Ati “Ishuri ryonyine ntirihagije, umubyeyi ni we wakagombye kuba uwa mbere kuko umugore n’umugabo babana n’umwana baramubyaye; rimwe na rimwe kandi imyitwarire yabo hari igihe igira ingaruka ku bana.”

Kuba hari abana bataha mu miryango irimo ibibazo cyangwa batitabwaho, ni imwe mu mbogamizi zituma bagorwa n’imyigire, cyane cyane ku biga bataha iwabo.

Ubuyobozi bwa St André burasaba ababyeyi, abarezi, Leta n’imiryango ifite aho ihurira n’uburezi gukomeza gufatana urunana mu kurerera Imana n’ u Rwanda rw’ejo hazaza.

 

Umwanditsi:

admin

4 Comments on “Collège Saint André /Nyamirambo yatahuye ibanga ryo gutsindisha Abanyeshuri: Gushyira imbere imyitwarire myiza”

  1. Dear Padiri Nshubijeho Faustin.

    May I introduce myself: My name is Anton Dona and I live in the Netherlands. I was associated with your college from 1967 to 1969. At the time I was a financial director of the school. Coincidentally, I came across a picture of your school with the Adreas symbol on a wall. At the time I designed this logo and I am pleased that you are still using it.
    I was wondering if you also use the logo on stationery, etc.
    And you may be curious about the meaning I came up with at the time.
    I look forward to your response.

    Yours sincerely,
    Anton Dona
    antondona@ziggo.nl
    http://www.antondona.nl
    Oisterwijk
    The Netherlands

    1. Dear Anton Dona, I’m happy to finally find the designer of Collège Saint André logo. I studied at CSA for six years. I can assure you that they still use it except for the school uniform badges. And I think it’s the school’s official logo. Thanks again for this amazing artwork!

  2. We really appreciate the habit of DIMOS “Displine Is Mother Of Success”

    I have completed my courses in CSA in 2015 MPG. the way this school of excellence gain it success does not based on discipline only; the way student get the daily bread (umuwilson) help them to fell well while the are in class.

    Thank you Father Faustin for the way you help poor parents to pay school fees in series like mine..
    This is the only school where a student allowed to study without bank payment statement and accept promise for payback.
    “Horana Imana CSA Uhore Ku Isonga”

  3. My name is Beatrice Niyigena. I was an Entrepreneurship teacher at Collège Saint André in the year 2012-2015. I am currently working in IPRC Musanze but my working spirit is from CSA. Discipline on the top, hardworking, accountability and time management are among the school values. I really enjoyed my work at at the college because of motivated students who encouraged me to do more research in my subject, the strong management team (may God bless Father Principal KIBANGUKA, Father Principal Rambert and Father Principal Faustin), and committed teachers.
    I wish my children will study in Collège Saint André.
    “ABAREZI N’ABARERWA TUZAKWITANGIRA”.

Tanga Igitekerezo

Email yanyu ntigaragazwa ku rubuga. Amazina na Email ni ngombwa.