Kigali-Rwanda

Partly cloudy
21°C
 

CHAN 2018:  Imikino igeze muri ¼

Yanditswe na BUGINGO FIDELE

Ku ya 26-01-2018 saa 08:03:25
Morocco players embrace goalscorer Ayoub El Kaabi (hidden) during the 2018 Chan football game between Morocco and Guinea at Stade Mohammed V in Casablanca, Morocco on 17 January 2018 ©Gavin Barker/BackpagePix

Tariki 27-01-2018

Morocco-Namibia

Zambia – Sudan

Tariki 28-01-2018

Nigeria-Angola

Congo-Libya

Imikino ya CHAN 2018 ibera muri Maroc  igeze muri ¼ k’irangiza.  Tariki 24 Mutarama 2018 ni bwo hasojwe imikino yo mu matsinda aho mu itsinda D Congo Brazzaville yanganyije na Angola 0-0 naho Burkina Faso  ikanganya na Cameroun 1-1.

Ikipe ya Maroc ihabwa amahirwe yo kwegukana igikombe cya CHAN 2018

Ikipe ya  Congo Brazzaville na  Angola zahise zikomeza muri ¼ naho Cameroun na Burkina Faso zirasezerezwa.  Izi kipe zikaba zasanze muri ¼ ikipe ya Maroc yakiriye amarushanwa, Namibia, Zambia, Sudan, Nigeria na Libya.

Muri iyi mikino yatangiye tariki 13 Mutarama 2018, ikipe y’u Rwanda yaviriyemo mu majonjora nyuma yo gutsindwa na Libya igitego 1-0 cyatsinzwe mu minota y’inyongera mu gihe iyo umukino urangira ari 0-0, Amavubi yari gukomeza muri ¼ nk’aho yagarukiye mu irushanwa riheruka mu 2016 ubwo ryaberaga mu Rwanda.

Uko amakipe azahura muri ¼

Iyi mikino ya ¼ izatangira  tariki 27 Mutarama 2018 aho  Morocco izakina na Namibia  kuri Sitade Mohamed V mu mujyi wa Casablanca saa kumi n’ebyiri n’igice zo mu Rwanda (19h30)  naho Zambia ikine na Sudani  kuri Sitade  ya  Marrakech mu mujyi wa Marrakech saa tatu n’igice (21h30).

Indi mikino izaba tariki 28 Mutarama 2018 aho Nigeria yari mu itsinda rimwe n’u Rwanda izakina na Angola  kuri Sitade Ibn Batouta mu mujyi wa Tangier saa kumi n’ebyiri n’igice mu Rwanda (18h30) naho Congo Brazzaville ikine na Libya yasezereye u Rwanda  kuri Sitade Adrar mu mujyi wa Agadir saa tatu n’igice (21h30).

Ikipe izitwara neza hagati ya Maroc na Namibia izahura n’izatsinda hagati ya Congo Brazzaville na Libya muri ½  naho  ikipe izakomeza hagati ya Zambia na Sudani ihure n’izatsinda hagati ya Nigeria na Angola. Imikino izaba tariki 31 Mutarama 2018.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.