Kigali-Rwanda

Mostly cloudy
22°C
 

CECAFA Kagame Cup 2019: APR FC nayo  yaviriyemo muri ¼

Yanditswe na BUGINGO FIDELE

Ku ya Jul 17, 2019

Green Eagles 2-1 Gor Mahia

APR FC 0-0 AS Maniema (3-4)

Tariki 19-07-2019

Azam FC-AS Maniema

KCCA-Green Eagles

Nyuma y’aho ikipe ya Rayon Sports isezerewe na KCCA muri ¼ mu mikino ya CECAFA Kagame Cup 2019, ikipe ya APR FC nayo yari ihagarariye u Rwanda yasezerewe na AS Maniema yo muri RDC.

Imikino ya ¼ yabaye kuri uyu wa Gatatu tariki 17 Nyakanga 2019 kuri Sitade ya Kigali i Nyamirambo, ikipe ya Green Eagles yo muri Zambia yasezereye Gor Mahia  yo muri Kenya ku bitego 2-1. Green Eagles yatsindiwe na Tapson Kaseba  na Mulungwe Shadrackh naho igitego cya Gor Mahia gitsindwa na Kipkirui Nicholas.

Mu wundi mukino, ikipe ya APR FC yo mu Rwanda yari yazamutse iyoboye itsinda C yanganyije na AS Maniema yo muri RDC 0-0 hitabajwe penariti, AS Maniema yinjiza 4 kuri 3 za APR FC.

Muri ½ k’irangiza , ikipe ya  Azam FC yasezereye TP Mazembe izahura na AS Maniema yasezereye APR FC naho ikipe ya KCCA yasezereye Rayon Sports ihure na  Green Eagles yasezereye ikipe ya Gor Mahia . Imikino  bitagenyijwe ko izaba tariki 19 Nyakanga 2019.

Ikipe ya APR FC ubwo yakinaga na AS Maniema yo muri RDC