Casa yabonye insinzi ya mbere muri AFC Leopards

Yanditswe na Bizimana Eric

Ku ya 04-03-2019 saa 07:02:24
Cassa Mbungo Andre, umutoza wa AFC Leopard wamaze kubona insinzi ya mbere nyuma y'igihe atitwara neza

Nyuma y’imikino itanu, Casa Mbungo André, umunyarwanda utoza ikipe ya AFC Leopards mu kiciro cya mbere muri Kenya yatsinze umukino we wa mbere.

Yabigezeho ku wa Gatandatu tariki 02 Werurwe 2019, atsinda ikipe ya Sony Sugar igitego 1-0 cyatsinzwe na Wai Yeka wahoze mu ikipe ya Musanze ku munota wa 48 ku mupira yari ahawe neza na Whyvonne Isuza.

Iyi nsinzi yatabaye Casa wageze muri iyi kipe mu byumweru bitatu bishize atsindwa na Nakumatt 2-1, Gor Mahia 2-0, Ulinzi Stars 1-0, Mathare 2-0.

Ni amanota ya mbere iyi kipe yanabonye mu gihe yatsinzwe imikino irindwi iheruka.

Ibi byatumye AFC Leopards iva mu murongo utukura aho kuri ubu iri ku mwanya wa 15 n’amanota 13 irusha inota rimwe andi makipe ayikurikiye.

AFC Leopards igomba guhura na Tusker ya kane ku rutonde rwa shampiyona tariki 09 Werurwe 2019, ibone gukurikizaho ikipe ya Sofapaka ya 6 ku rutonde mu kindi cyumweru.

Cassa Mbungo Andre, umutoza wa AFC Leopard wamaze kubona insinzi ya mbere nyuma y’igihe atitwara neza

Umwanditsi:

Bizimana Eric

Tanga Igitekerezo

Email yanyu ntigaragazwa ku rubuga. Amazina na Email ni ngombwa.