Kigali-Rwanda

Partly cloudy
20°C
 

Basketball: UGB irakira Espoir BBC ku munsi wa mbere wa shampiyona

Yanditswe na Nkomeje Guillaume

Ku ya 30-11-2018 saa 09:41:24
UGB irahura na Espoir BBC mu mukino ubanza wa shampiyona ya 2018-2019

Uyu munsi

UGB – Espoir BBC (Amahoro-18h00)

Patriots BBC- RP-IPRC Kigali BBC (Amahoro-18h00)

Tariki 01-12-2018

RP-IPRC Huye BBC- REG BBC (RP-IPRC Huye -11h00)

Tariki 02-12-2018

Rusizi BBC – REG BBC (Rusizi-09h00)

Ubumwe BBC – The Hoops (Amahoro-10h00)

Shampiyona y’igihugu y’umukino wa Basketball “BK Basketball National League 2018-2019”, y’uyu mwaka w’imikino wa 2018-2019, iratangira mu mpera z’iki cyumweru.

Uyu munsi tariki 30 Ugushyingo 2018, hateganyijwe imikino igera kuri ibiri, umukino ubimburira indi, ni aho UGB ihuramo na Espoir BBC saa kumi n’ebyiri (18h00) naho Patriots BBC ikine na RP-IPRC Kigali BBC saa mbiri (20h00). Iyi mikino yombi irabera muri Sitade Nto i Remera.

Ejo ku wa Gatandatu tariki 01 Ukuboza 2018, ikipe ya RP-IPRC Huye BBC izakira REG BBC, mu mukino uzabera muri RP-IPRC Huye saa tanu zuzuye (11h00).

Iyi mikino ya shampiyona izakomeza ku cyumweru tariki 02 Ukuboza 2018, ikipe ya Rusizi BBC izaba ikina umukino wa mbere kuva umwaka ushize kuko itagaragaye mu mikino y’irushanwa ribanziriza shampiyona, izakira REG BBC i Rusizi saa tatu za mu gitondo (09h00).

Mu kiciro cy’abagore, ahateganyijwe umukino umwe gusa, ikipe y’Ubumwe BBC izahura na The Hoops Rwa BBC uzabere kuri Sitade Nto i Remera saa yine za mu gitondo (10h00).

Patriots BBC mu bagabo ndetse na RP-IPRC Huye mu bagore ni yo makipe yegukanye igikombe cya shampiyona ishize ya 2017-2018.

Umwanditsi:

Nkomeje Guillaume

Tanga Igitekerezo

Email yanyu ntigaragazwa ku rubuga. Amazina na Email ni ngombwa.