Kigali-Rwanda

Mostly cloudy with thundershowers
24°C
 

Basketball: U Rwanda rurakina na Senegal mu mukino wa nyuma w’amatsinda

Yanditswe na NOMEJE GUILLAUME

Ku ya Aug 29, 2018

Uyu munsi

Rwanda – Senegal (20h45)

Kuri uyu wa Gatatu tariki 29 Kanama 2018, ikipe y’u Rwanda y’abahungu batarengeje imyaka 18 irakina na Senegal mu mukino wa nyuma w’amatsinda y’imikino y’Afurika “2018 FIBA Under-18 men’s African Championship” ubere muri Salle ya Palais des Sports Salamatou Maiga i Bamako (20h45).

Ikipe y’igihugu y’abahungu U 18 irakina na Senegal mu mukino wa nyuma w’amatsinda y’imikino y’Afurika

Muri uyu mukino uzosa iyo mu itsinda B, iyi kipe y’u Rwanda itarahiriwe mu mukino wa 3, iheruka gukina aho yatsinzwe n’Angola ifite igikombe giheruka amanota 80 kuri 79, irasabwa gutsinda kugira ngo biyihe ikizere cyo kuzakina ikiciro kizakurikiraho.

Ikipe y’u Rwanda U-18, itozwa na Murenzi Yves  yari yitwaye neza mu mikino ibiri ibanza y’iyi mikino y’Afurika. Yabashije gutsinda Algerie amanota 81 kuri 63 ndetse na Tunisia amanota 62 kuri 58.

Nyuma y’iyi mikino 3, ikipe y’igihugu y’abahungu U-18 yagaragaje umukino mwiza, unatanga ikizere, ifite amanota 5, yatsinzemo amanota 222, itsindwa 201 ikaba izigamye amanota 21.

Iyi mikino y’Afurika irimo kuba ku nshuro ya 21 yitabiriwe n’amakipe 8 aho kuba 9, ni nyuma y’uko ikipe ya Cote d’Ivoire yari mu itsinda rya kabiri B, hamwe n’u Rwanda  yikuyemo.

Iyi mikino irimo kubera i Bamako muri Mali kuva tariki 24 Kanama, ikazasozwa tariki  02 Nzeri 2018, igamije gushaka itike y’igikombe k’Isi cy’abatarengeje imyaka 19 “FIBA Under-19 Basketball World Cup 2019”.