Kigali-Rwanda

Partly cloudy
19°C
 

Basketball: REG W BBC yabonye itike yo kuzitabira imikino y’Afurika

Yanditswe na BUGINGO FIDELE

Ku ya 24-11-2021 saa 12:06:10
Ikipe ya REG W BBC ku nshuro ya mbere yabonye itike yo kwitabira imikino y'Afurika

Taliki 19-11-2021

KPA 80-36 The Hoops

REG WBBC 33-53 Equity 

Taliki 20-11-2021

REG BBC 57-32 Gladiators

Equity 53-51 The Hoops

Taliki 21-11-2021

KPA 67-57 REG W BBC

Don Bosco 36-69 The Hoops

Taliki 22-11-2021

The Hoops 56-66 REG WBBC

Taliki 23-11-2021

The Hoops 62-52 Gladiators

Don Bosco 46-72 REG BBC

Kuva taliki 19 kugeza 23 Ugushyingo 2021, i Dar es Salaam muri Tanzania habereye imikino  y’Akarere ka 5 mu makipe y’abagore   “FIBA Africa Zone 5 Women Clubs Championship 2021”, ikipe ya REG W BBC yari ihagarariye u Rwanda yabonye itike yo kuzitabira imikino y’Afurika.

Iyi mikino yari yitabiriwe n’amakipe 6 ari REG W BBC, The Hoops (Rwanda),  KPA, Equity (Kenya), Gladiators (Burundi) na Don Bosco (Tanzania). Aya makipe yakinnye hagati yayo hanyuma ikipe  3 za mbere zibona itike yo kuzahagararira  aka Karere mu mikino y’Afurika “FIBA Africa Women’s Clubs Champions Cup”.

Uko amakipe yari ahagarariye u Rwanda yitwaye

Ikipe ya REG W BBC yari iserukiye u Rwanda ku nshuro ya mbere mu mikino 5 yatsinzemo 3 harimo aho yatsinze  Gladiators amanota 57 kuri 32, itsinda The Hoops amanota 66 kuri 56 inatsinda Don Bosco amanota 72 kuri 46. Ikipe ya REG W BBC yatsinzwe na Equity amanota 53 kuri 33 inatsindwa na KPA amanota 67 kuri 57.

Ikipe ya REG W BBC

Ku ruhande rw’ikipe ya The Hoops yatsinze imikino 2 itsindwa 3. Iyi kipe yatsinze Don Bosco amanota 69 kuri 39 inatsinda Gladiators amanota 62 kuri 52. The Hoops yatsinzwe na KPA amanota 80 kuri 36, itsindwa na Equity amanota 53 kuri 51 inatsindwa na REG W BBC amanota 66 kuri 56.

Ikipe ya The Hoops

Ubwo hasozwaga imikino y’Akarere ka 5, ikipe ya KPA yatsinze Equity amanota 71 kuri 35 , ikipe zombi zo muri Kenya. Ikipe ya KPA ni yo yegukanye igikombe ikurikirwa na Equity, ku mwanya wa 3 haza ikipe ya REG W BBC, The Hoops isoreza ku mwanya wa 4, ku mwanya wa 5 hasoreje Don Bosco naho ikipe ya Gladiators isoreza ku mwanya wa nyuma wa 6.

KPA nyuma yo kwegukana igikombe cy’Akarere ka 5

Ikipe ya KPA, Equity (Kenya) na REG W BBC zabonye itike yo kuzahagararira aka Karere mu mikino y’Afurika y’amakipe mu cyiciro cy’abagore “FIBA Africa Women’s Clubs Champions Cup”. Iyi mikino biteganyijwe ko izabera i Cairo mu Misiri muri Mutarama 2022.

Iyi mikino yaherukaga kuba muri 2019 kuko umwaka ushize nta bwo yabaye kubera COVID-19. Muri 2019 ubwo yaberaga mu Misiri, ikipe ya Ferroviário de Maputo yo muri  Mozambique yegukanye igikombe itsinze Interclube yo muri Angola  amanota 91 kuri 90.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.