Kigali-Rwanda

Partly cloudy
20°C
 

Basketball: REG BBC na APR BBC zegukanye irushanwa mpuzamahanga ryo kwibuka

Yanditswe na NKOMEJE GUILLAUME

Ku ya 29-05-2018 saa 07:47:09
Abakinnyi ba REG BBC bishimira igikombe k'irushanwa mpuzamahanga ryo kwibuka begukanye ku nshuro ya kabiri bikurikiranya

Amakipe REG BBC mu bagabo na APR BBC mu bagore ni zo zegukanye igikombe k’irushanwa mpuzamahanga ryo kwibuka abari abakinnyi, abayobozi n’abakunzi b’umukino wa Basketball bazize Jenoside yakorewe Abatutsi mu  1994 “International Genocide Memorial Tournament 2018” akaba ari ku nshuro ya kabiri yikurikiranya.

Abakinnyi ba REG BBC bishimira igikombe k’irushanwa mpuzamahanga ryo kwibuka begukanye ku nshuro ya kabiri bikurikiranya

Irushanwa ry’uyu mwaka wa 2018 ryateguwe n’ishyirahamwe ry’umukino wa Basketball mu Rwanda “FERWABA” itewe inkunga na “Safe Gas” ari nayo yatanze ibihembo, ryitabiriwe n’amikipe y’ibyiciro birimo abagabo, abagore n’amakipe y’abakanyujijeho imbere mu gihugu n’ayo muri RDC.

Iri rushanwa ryatangiye tariki 25 rigasozwa tariki 27 Gicurasi 2018  ryasize REG BBC yari ifite igikombe k’irushanwa mpuzamahanga ryo kwibuka  riheruka mu 2017 yongeye kwisubiza iki gikombe itsinze Patriots BBC ku mukino wa nyuma amanota 73 kuri 67.

Mu bagore, APR BBC na yo yari yatwaye igikombe k’irushanwa mpuzamahanga ryo kwibuka  muri 2017 itsinze Berco Stars  amanota 72 kuri 58 yongeye kugitwara itsinze IPRC-South BBC amanota 63 kuri 61.

REG BBC mu bagabo ndetse na APR BBC mu bagore ni zo kandi zari zanatwaye iri rushanwa ry’uyu mwaka wa 2018 ku makipe y’imbere mu gihugu.

Mu bakanyjijeho muri uyu mukino, Espoir BBC yo mu Rwanda yegukanye igikombe itsinze Veterans Clubs Goma Bulls “VCGB” y’i Goma muri RDC mu mukino wa nyuma ku manota 69 kuri 63.

Mu bihembo byatanzwe, REG BBC na APR BBC zabaye iza mbere zahawe igikombe, giherekejwe na sheki ya miliyoni 1 y’amafaranga y’u Rwanda. Patriots BBC na IPRC-South BBC za kabiri zihabwa  ibihumbi 500.

Kami Kabange wa REG BBC yabaye umukinnyi mwiza w’iri rushanwa “MVP”, aho yatsinze amanota 62, mu bagore aba Kantore Sandra ukinira APR BBC (38) naho Nkusi Aime Karim ukinira Espoir BBC aba uwitwaye neza mu bakanyujijeho (57).

 

 

 

 

 

 

 

 

 

 

 

Umwanditsi:

NKOMEJE GUILLAUME

Tanga Igitekerezo

Email yanyu ntigaragazwa ku rubuga. Amazina na Email ni ngombwa.