18°C , Intermittent clouds | Kigali-Rwanda

Basketball: Patriots BBC yatsinze umukino wa kabiri mu mikino y’Afurika

Yanditswe na BUGINGO FIDELE

Ku ya 18-10-2019 saa 18:21:59
Ruzigande Ally wafashije Patriots BBC gutsinda Hawasa City BBC

Ikipe ya Patriots BBC yo mu Rwanda yitwaye neza itsinda  Hawasa City   BBC   yo muri Ethiopia mu mukino wa kabiri mu mikino y’Afurika “Basketball Africa League”    irimo kubera muri Tanzania.

Uyu mukino wabaye tariki 18 Ukwakira 2019, ikipe Patriots BBC yitwaye neza itsinda Hawasa City BBC  amanota 125 kuri 50. Abakinnyi ba Patriots BBC barimo Ruzigande Ally na Gasana Kenny ni bo bitwaye neza  muri uyu mukino aho  buri wese yatsinze amanota 23.

Patriots BBC uyu wari umukino wa kabiri itsinze nyuma yo kwitwara neza ku mukino wa mbere wabaye tariki 17 Ukwakira 2019 aho iyi kipe yatsinze Dynamo BBC y’i Burundi amanota 73 kuri 64.

Ikipe ya Patriots BBC kuri uyu wa Gatandatu  tariki 19 Ukwakira 2019 irakina na JKT BBC yo muri Tanzania  mu gihe izasoza ikina  na City Oilers BBC  yo muri Uganda  tariki 20 Ukwakira 2019.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.