19°C , Partly cloudy | Kigali-Rwanda

Basketball: Gutwara ibikombe bibiri bikurikirana binyereka ko nzakora akazi kange neza- Ngwijuruvugo

Yanditswe na NKOMEJE GUILLAUME

Ku ya 03-06-2018 saa 08:57:55
Ngwijuruvugo utoza REG BBC, uvuga ko gutwara ibikombe bibiri bikurikirana bimuha ikizere cyo gukora akazi ke neza

Umutoza mukuru w’ikipe ya REG BBC, Ngwijuruvugo Richard Patrick aratangaza  ko kwegukana ibikombe bibiri by’irushanwa ryo kwibuka abari abakinnyi, abayobozi n’abakunzi b’umukino wa Basketball bazize Jenoside yakorewe Abatutsi mu 1994 “Genocide Memorial Tournament 2018”, bimugaragariza ko azakora akazi ke neza.

Ngwijuruvugo utoza REG BBC, uvuga ko gutwara ibikombe bibiri bikurikirana bimuha ikizere cyo gukora akazi ke neza

Ni nyuma y’uko REG BBC yegukanye igikombe k’irushanwa ryo kwibuka ku makipe y’imbere mu gihugu itsinze APR BBC ku mukino wa nyuma amanota 84 kuri 45. Yisubiza iri rushanwa mpuzamahanga itsinze Patriots BBC amanota 73 kuri 67.

Ngwijuruvugo yabwiye Imvaho Nshya ko kuba yarabajije gutwara ibi bikombe, byamuhaye izindi mbaraga ndetse akaba yizera ko bizamuha gukora neza akazi ke.

Yagize ati “Gutwara igikombe ni ikintu kimpa morale mu kazi kange nkora kandi, navuga ko muri rusange kuba mbashije gutwara ibikombe bibiri bikurikirana binyereka y’uko nakomeza akazi kange neza”.

Ngwijuruvugo Richard Patrick wasimbuye Kalima Cyrille wahoze ari we mutoza mukuru wa REG BBC, yegukanye ibi bikombe nta mukino n’umwe atsinzwe.

 

 

 

Umwanditsi:

NKOMEJE GUILLAUME

Tanga Igitekerezo

Email yanyu ntigaragazwa ku rubuga. Amazina na Email ni ngombwa.