Kigali-Rwanda

Mostly cloudy
23°C
 

Basketball: APR BBC irakira Patriots BBC mu mukino w’umunsi wa 11

Yanditswe na NKOMEJE GUILLAUME

Ku ya 30-03-2018 saa 07:37:03
Kasongo Junior ukinira Patriots BBC

Uyu munsi

IPRC-South BBC-Espoir BBC (Huye-11h00)

REG BBC- Rusizi BBC (Amahoro -14h00)

UGB BBC- IPRC-Kigali BBC (Amahoro-16h00)

APR BBC – Patriots BBC (Amahoro-20h00)

Ejo tariki 31-03-2018

IPRC- Kigali BBC-Rusizi BBC (Amahoro-18h00)

Uyu munsi tariki 30 Werurwe 2018 ikipe ya APR BBC irakira Patriots BBC mu mukino w’umunsi wa 11 wa shampiyona y’igihugu y’umukino wa Basketball “StarTimes FERWABA Basketball League 2017-2018”. Umukino  urabera kuri Sitade Amahoro i Remera saa mbiri z’ijoro (20h00).

Ubwo Kasongo Junior ukinira Patriots BBC (ufite umupira) yari ahanganye n’abakinnyi b’ikipe ya APR BBC mu mukino uheruka

Ku ruhande rw’ikipe ya APR BBC ikeneye amanota kugira ngo irwane byibuze no kuzasoreza mu makipe ane ya mbere akina “Playoffs”.

APR BBC itozwa na Nkusi Aime Karim ntiyitwaye neza mu mukino iheruka gukina tariki 24 Werurwe 2018 kuko yatsinzwe na IPRC-South BBC amanota 68 kuri 62.

Ikipe ya Patriots BBC nayo irasabwa gutsinda kugira ngo ikomeze kwiruka inyuma ya REG BBC yamaze kuyitwara umwanya wa mbere.

Patriots BBC iri ku mwanya wa 2 n’amanota 17 ikaba irushwa na REG BBC ya mbere inota 1 gusa yo ikaba ifite umukino w’ikirarane igomba guhuramo na IPRC-Kigali BBC.

Mu yindi mikino, ikipe ya IPRC-South BBC irakira Espoir BBC i Huye (11h00), REG BBC yegukanye igikombe giheruka ikaba inayoboye urutonde ubu  irakira Rusizi BBC (14h00), UGB BBC yakiriye IPRC-Kigali BBC (16h00). Iyi mikino yose irabera kuri Sitade Amahoro i Remera.

Ejo tariki 31 Werurwe 2018, ikipe ya IPRC-Kigali BBC izakira Rusizi BBC kuri Sitade Amahoro i Remera saa kumi n’ebyiri (18h00).

Mu kiciro cy’abagore nabo barakina, uyu munsi tariki 30 Werurwe 2018  ikipe ya APR BBC irakira Ubumwe BBC (18h00) naho ejo tariki 31 Werurwe 2018, Ubumwe BBC izakire THE HOOPS (14h00) naho ikipe y’igihugu U-18 izakine na APR BBC (16h00). Iyi mikino yose izabera kuri Sitade Amahoro i Remera.

Kugeza ubu, REG BBC iri ku mwanya mbere n’amanota 18 mu mikino 10, Patriots BBC ku mwanya wa kabiri n’amanota 17 mu mikino 9, hakaza APR BBC na  IPRC-South BBC zinganya 16, UGB BBC na 14 Espoir BBC na 13, IPRC-Kigali BBC na 11 na ho Rusizi BBC ni iya nyuma n’amanota 9.

 

Umwanditsi:

NKOMEJE GUILLAUME

Tanga Igitekerezo

Email yanyu ntigaragazwa ku rubuga. Amazina na Email ni ngombwa.