Kigali-Rwanda

Mostly cloudy
27°C
 

Bakunzi yasoje ku mwanya wa 9 mu mikino Olempike y’urubyiruko

Yanditswe na BUGINGO FIDELE

Ku ya 14-10-2018 saa 08:30:47
Bakunzi Aimé Phraditte wasoreje ku mwanya wa 9 mu gusiganwa metero ibihumbi 3 mu mikino Olempike y'urubyiruko

Bakunzi Aimé Phraditte wari uhagarariye u Rwanda mu mikino Olempike y’urubyiruko “Youth Olympic Games 2018” irimo kubera i Buenos Aires muri Argentine ntabwo yabashije kwegukana umudari mu mikino ngororamubiri “Athletics”.

Bakunzi yasiganwe muri metero ibihumbi 3 maze akoresha iminota 8 n’amasegonda 26 asoza ku mwanya wa 9 mu bakinnyi 18 bitabiriye.

Bakunzi Aimé Phraditte wasoreje ku mwanya wa 9 mu gusiganwa metero ibihumbi 3 mu mikino Olempike y’urubyiruko

Muri iki kiciro, Chelimo Oscar ukomoka muri Uganda ni we wegukanye umudari wa zahabu aho yakoresheje iminota 8 n’amasegonda 8 n’ibice 20. Ku mwanya wa kabiri haje Teklehaimanot Berihu Aregawi wo muri Ethiopia wakoresheje iminota 8 n’amasegonda 9 naho ku mwanya wa 3 hasoza Muema Jackson Kavesa ukomoka muri Kenya wakoresheje iminota 8, amasegonda 9 n’ibice 95.

Bakunzi Aimé Phraditte yaherukaga kwitabira mikino y’Afurika y’Urubyiruko “African Youth Games 2018” yabereye muri Algeria tariki 18 kugeza 28 Nyakanga 2018 aho yasoje isiganwa ari uwa 10 mu bakinnyi 13 akoresheje iminota 8, amasegonda 43 n’ibice 50.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.