22°C , Partly cloudy | Kigali-Rwanda

Athletisme: Nyirarukundo agiye gukomereza imyitozo muri Kenya 

Yanditswe na NKOMEJE GUILLAUME

Ku ya 25-01-2018 saa 07:57:31
Nyirarukundo Salome ugiye kwitegurira muri Kenya Commonwealth Games 2018

Umunyarwandakazi ukina imikino ngororamubiri, Nyirarukundo Salome agiye muri Kenya gukomeza imyitozo yitegura amarushanwa ahuza ibihugu bikoresha ururimi rw’icyongereza “Commonwealth Games 2018” azabera muri Australia kuva tariki 04-15 Mata 2018.

Nyirarukundo Salome ugiye kwitegurira muri Kenya Commonwealth Games 2018

Nyirarukundo Salome uzerekeza muri Kenya kuri uyu wa  Kabiri w’icyumweru gitaha tariki ya 30 Mutarama 2018, biteganyijwe ko azakora imyitozo mu gihe cy’amezi agera kuri abiri.

Uyu mukinnyi wari usanzwe akorana imyitozo na bagenzi be bakinana muri APR kuri Sitade Amahoro i Remera yabwiye Imvaho Nshya ko yahisemo kujya kuyikomereza muri Kenya kuko abona ko ari ho hazamufasha kuba yazitwara neza muri ayo marushanwa.

Yagize ati Kujya kwitoreza muri Kenya, ni ahantu uhurira n’abandi bakinnyi bakurusha, ikirere cyaho ni kiza, iyo uhitoreje bigufasha kuzamura urwego wari uriho, nkaba nizera ko bizamfasha kwitwara neza mu marushanwa ya Commonwealth ”.

Nyirarukundo Salome kandi yatangaje ko mbere yo kujya muri iyo myitozo muri Kenya azabanza kwitabira irushanwa ryo gusiganwa mu bilometero 15 rizabera mu Rwanda mu mpera z’iki cyumweru rigamije gushaka abazakina irushanwa rya marato y’igihugu.

 

 

 

 

 

 

 

 

Umwanditsi:

NKOMEJE GUILLAUME

Tanga Igitekerezo

Email yanyu ntigaragazwa ku rubuga. Amazina na Email ni ngombwa.