Kigali-Rwanda

Mostly cloudy
19°C
 

Athletisme: Myasiro yegukanye isiganwa muri Bosnia

Yanditswe na BUGINGO FIDELE

Ku ya Apr 23, 2019

Myasiro JMV ukina imikino ngororamubiri akaba abarizwa mu ikipe ya  Athletic Terni yo mu Butaliyani, tariki 20 Mata 2019 yabaye uwa mbere mu irushanwa ryabereye mu mujyi wa Banja Luka muri Bosnia “GoPro RMC Banja Luka Half Marathon 2019”

Myasiro yabaye uwa mbere mu gusiganwa kilometero 10 aho yakoresheje iminota 29 n’amasegonda 24  akurikirwa na  Wycliffe Kipkorir wakoresheje iminota 29 n’amasegonda 44 naho ku mwanya wa 3 haza Andrew Kwemoi wakoresheje iminota 30 n’amasegonda 13.

Myasiro JMV ubwo yari ageze ku murongo ari uwa mbere

Myasiro (hagati) n’abamukurikiye

Iri akaba ari irushanwa rya mbere Myasiro yari yitabiriye muri uyu mwaka wa 2019 kuko yageze mu Butaliyani tariki 16 Mata 2019 nyuma y’ikiruhuko yari arimo mu Rwanda.

Iri rushanwa ryitabiriwe n’abantu ibihumbi 2 baturutse mu bihugu 40 mu gice cya Marato (21km) mu bagabo,  Paul Tiongik ukomoka muri Kenya ni we wabaye uwa mbere akoresheje isaha 1, iminota 2 n’amasegonda 31 yakurikiwe n’abakinnyi bakomoka mu Rwanda ari bo Hitimana Noel (1h05’17”) na Simueka Jean Baptiste (1h05’28”).

Mu bagore, Ivine Lagat yabaye uwa mbere ( 1h12’41”) akurikirwa na  Ruth Nundu Mbatha (1h14’04”) na Helen Jepkosgei Kimutai.

Paul Tiongik ukomoka muri Kenya wabaye uwa mbere mu gice cya Marato