Kigali-Rwanda

Partly cloudy
19°C
 

APR FC yasezerewe na Etoile du Sahel mu mikino y’Afurika

Yanditswe na BUGINGO FIDELE

Ku ya 23-10-2021 saa 20:00:00
Ikipe ya APR FC yasezerewe na Etoile du Sahel

Etoile du Sahel 4-0 APR FC (5-1)

Ikipe ya APR FC kuri  uyu wa Gatandatu taliki 23 Ukwakira 2021 yatsinzwe na   Etoile du Sahel  yo muri Tunisia ibitego 4-0 mu mukino wo kwishyura  mu mikino  y’Afurika y’amakipe yabaye aya mbere iwayo “ Total CAF Champions League 2021-2022” mu ijonjora rya kabiri.

Muri uyu mukino wabereye i Monastir kuri Sitade Mustapha Ben Jannet, Etoile du Sahel  ibitego byayo byatsinzwe na Yassine Chikhaoui watsinze  bibiri, Mohammed Dhaoui na Aly Soumah. APR FC yasezerewe muri iki cyiciro ku bitego 5-1. Mu mukino  ubanza, wabereye mu Rwanda  taliki 16 Ukwakira 2021,  Etoile du Sahel yari yanganyije na APR FC igitego 1-1.  Iyi kipe ikaba yahise ikomeza mu matsinda.

Nyuma yo gusezererwa mu mikino  y’Afurika y’amakipe yabaye aya mbere iwayo “ Total CAF Champions League 2021-2022”, ikipe ya APR FC iracyafite amahirwe kuko yahise  ikomeza mu cyiciro cya 3 ari na cyo cya nyuma mbere yo kujya mu matsinda mu mikino y’Afurika y’amakipe yitwaye neza iwayo « Total CAF Confederation Cup 2021-2022 ».

Kuri iki Cyumweru taliki 24 Ukwakira 2021 ni bwo hamenyekana amakipe ashobora guhura na APR FC.

Abakinnyi babanjemo ku mpande zombi

Etoile du Sahel: Ali Jemal, Houcine Benayada, Saddam Ben Aziza, Ghofrane Nawali, Youcef Laouafi, Jacques Mbé, Oussema Abid, Yassine Chikhaoui, Yassine Amri, Tayeb Meziani na Zineddine Boutmene.

APR FC: Ishimwe Jean Pierre, Omborenga Fitina, Niyomugabo Claude, Buregeya Prince, Karera Hassan, Ruboneka Jean Bosco, Mugisha Bonheur, Nsanzimfura Keddy, Manishimwe Djabel , Kwitonda Alain na Nshuti Innocent.

Etoile du Sahel yasezereye APR FC yahise ikomeza mu matsinda

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.