21°C , Mostly cloudy | Kigali-Rwanda

Amerika: TMC yasubukuye iby’umuziki ashyira hanze indirimbo nshya

Yanditswe na GISUBIZO Gentil M.

Ku ya 19-04-2021 saa 13:31:20
TMC yasubukuye iby'umuziki asohora indirimbo yise "Uwantwaye"

Mujyanama Claude wamenyekanye nka TMC mu itsinda rya Dream Boys, nyuma yo kujya gukomereza ubuzima muri Leta Zunze Ubumwe za Amerika, yasubukuye ibikorwa bya muzika asohora indirimbo nshya yise “Uwantwaye”.

Iyi ndirimbo yayishyize kuri shene nshya ya Youtube yahanze, nyuma y’uko iya Dream Boys yari ahuriyeho na Nemeye Platini, yo uyu muhanzi yamaze kuyigira iye bwite.

“Uwantwaye” ni indirimbo ya mbere TMC yikoranye nyuma yo guca ukubiri n’itsinda rya Dream Boys, akerekeza muri Leta Zunze Ubumwe za Amerika aho yajyanywe n’amasomo no gukomerezayo ubuzima.

Aha uyu muhanzi yahahuriye na Lick Lick umwe mu bahanga mu gutunganya indirimbo z’abahanzi wanakoranye igihe kinini na Dream Boys.

Lick Lick ni na we wakoreye TMC indirimbo ye ya mbere asohoye kuva yajya muri Amerika, mu gihe amashusho yayo yo yafashwe anatunganywa na Sam Kent.

TMC usigaye atuye mu Mujyi wa Columbia, yavuye mu Rwanda mu ntangiriro za 2020 arangije Icyiciro cya gatatu cya Kaminuza (Masters) mu byo gucunga no kugenzura imishinga.

Umwanditsi:

GISUBIZO Gentil M.

One Comment on “Amerika: TMC yasubukuye iby’umuziki ashyira hanze indirimbo nshya”

Tanga Igitekerezo

Email yanyu ntigaragazwa ku rubuga. Amazina na Email ni ngombwa.