Kigali-Rwanda

Mostly cloudy
23°C
 

Amavubi yongeye kumanuka ku rutonde rwa FIFA

Yanditswe na Nkomeje Guillaume

Ku ya 25-10-2018 saa 18:29:26
Amavubi

Ikipe y’u Rwanda y’umupira w’amaguru, Amavubi, yamanutseho umwanya umwe ku rutonde ngarukakwezi rw’ishyirahamwe ry’umupira w’amaguru ku Isi “FIFA” igera ku mwanya wa 138 ku Isi na 37 muri Afurika.

Ibi ni ibyagaragajwe kuri uru rutonde rwashyizwe ahagaragara kuri uyu wa Kane.

Gusubira inyuma ahanini biterwa n’uko ikipe idahagaze neza muri iki gihe n’ubwo iherutse kunganya na Guinea igitego 1-1 mu gushaka itike y’igikombe cy’Afurika kizabera muri Cameroun mu 2019.

Urutonde rwaherukaga kujya hanze muri Nzeri 2018, Amavubi yari yageze ku mwanya wa 137, avuye ku wa 136, ni nyuma y’uko yari yatsinzwe na Cote d’Ivoire mu rugo ibitego 2-1.

Kuri uru rutonde, Gibraltar ni yo yazamutse imyanya myinshi (8) yavuye ku 198 igera ku 190 naho Mozambique yamanutse cyane (9) yavuye ku 113 igera ku 122.

Mu karere, Uganda ni yo iza imbere n’umwanya wa 79 ku Isi.

Muri Afurika, Tunizia iracyayoboye ikaba n’iya 22 ku Isi, ikurikirwa na Senegal (25), Nigeria (44), RDC (46), Maroc n’iya 5 (47).

Mu rwego rw’Isi, u Bubiligi buracyari ku mwanya wa mbere, bukurikirwa n’u Bufaransa, Brazil (3), Croatia (4), u Bwongereza (5), Uruguay (6), Portugal (7), u Busuwisi (8), Espagne (9) na Danemark (10).

Umwanditsi:

Nkomeje Guillaume

Tanga Igitekerezo

Email yanyu ntigaragazwa ku rubuga. Amazina na Email ni ngombwa.