Kigali-Rwanda

Partly cloudy
18°C
 

Amagare: Uwizeyimana yegukanye intera ya kabiri ya “Rwanda Cycling Cup 2018”

Yanditswe na BIZIMANA ERIC

Ku ya 20-05-2018 saa 07:53:43
Uwizeyimana Bonaventure ukinira Benediction Club y'i Rubavu wegukanye intera ya kabiri ya Rwanda Cycling Cup 2018

Abahungu bakuru (120 km)

  1. Uwizeyimana Bonaventure 3h13’54”
  2. Gasore Hategeka 3h14’18”
  3. Patrick Byukusenge 3h15’18”
  4. Munyaneza Didier 3h15’18”

Juniors (92 km)

  1. Muhoza Eric 2h42’53”
  2. Habimana Eric 2h43’01”
  3. Nsabimana Machine 2h43’13”

Abakobwa (92 km)

  1. Nzayisenga Valentine 3h11’31”
  2. Ingabire Beatha 3h14’45”
  3. Nirere Xaverine 3h14’53”

Uwizeyimana Bonaventure ukinira Benediction Club y’i Rubavu wegukanye intera ya kabiri ya Rwanda Cycling Cup 2018

 Uwizeyimana Bonaventure, umwe mu bakinnyi bakomeye mu mukino w’amagare mu Rwanda yaraye yegukanye intera ya kabiri ya shampiyona y’amagare Rwanda Cycling Cup 2018” yavaga i Kayonza mu Ntara y’Iburasirazuba yerekeza i Muhanga mu ntara y’Amajyepfo mu ntera ya kilometero 120 yakoresheje amasaha 3 iminota 13 n’amasegonda 54 (3h13’54”).

Iri siganwa ryitabiriwe  n’abakinnyi bo mu makipe 8 abarizwa muri FERWACY mu byiciro bitatu: abakobwa (Women Elite), ingimbi (Junior men) hamwe n’abakuru n’abatarengeje imyaka 23 (Elite men & U-23).

Amakipe yari yitabiriye ni Fly Cycling Club, Cycling Club For All, Muhazi Cycling Generation, Cine Elmay, Les Amis Sportifs y’i Rwamagana, Benediction Club y’i Rubavu, Karongi Vision Sport Center, Nyabihu Cycling Team na  Kigali Cycling Club.

Mu kiciro cy’abakuru, Uwizeyimana yakoresheje amasaha 3 iminota 13 n’amasegonda 54 (3h13’54”), aba uwa mbere mu bakinnyi bari mu gikundi k’imbere barimo uwo bahanganiye ku murongo, Gasore Hategeka wa Nyabihu Cycling Team  wakoresheje amasaha 3 iminota 14 n’amasegonda 18 (3h14’18”), Patrick Byukusenge wa Beneduction (3h15’18”) na  Munyaneza Didier wa Beneduction (3h15’18”).

Mu kiciro k’ingimbi , Muhoza  Eric  wa Les Amis Sportif yakoresheje amasaha 2 iminota 42 n’amasegonda 53 (2h42’53’) mu rugendo rwa kilometero 92, Habimana Eric wa Fly (2h43’01”) aba uwa kabiri naho Machine Nsabimana (2h43’13”)  aza ku mwanya wa gatatu.

Mu bakobwa, Nzayisenga Valentine wa Beneduction yabaye uwa mbere mu ntera ya kilometero 92 akoresheje amasaha 3 iminota 11 n’amasegonda 31 (3h11’31”), akurikirwa na Ingabire Beatha wa Les Amis Sportif (3h14’45”) naho Nirere Xaverine wa Les Amis Sportif (3h14’53”) na we aba uwa gatatu.

Rwanda Cycling Cup 2018 yatangiye tariki 24 Werurwe 2018 hakinwa intera ya mbere yitiriwe kwibuka Byemayire Lambert, umwe mu bashinze ikipe ya CCA y’i Huye akaba yari  Visi Perezida  wa FERWACY  yapfuye muri 2016. Izakomeza tariki 09 Kamena 2018, hakinwa isiganwa ryo kwibuka “Race to remember”, itaramenyekana aho izanyura.

 

 

 

Umwanditsi:

BIZIMANA ERIC

Tanga Igitekerezo

Email yanyu ntigaragazwa ku rubuga. Amazina na Email ni ngombwa.