23°C , Partly cloudy | Kigali-Rwanda

Amagare: Muhoza na Mukundente bagiye gukorera imyitozo muri Afurika y’Epfo

Yanditswe na BUGINGO FIDELE

Ku ya 14-10-2019 saa 10:12:21
Muhoza Eric na Mukundente Geneviève bagiye kumara ukwezi muri Afurika y'Epfo mu myitozo

Abakinnyi babiri b’u Rwanda bakina umukino wo gusiganwa ku magare ari bo  Muhoza Eric  mu kiciro  k’ingimbi na Mukundente Geneviève mu bagore  bagiye kwerekeza muri Afurika y’Epfo mu kigo k’imyitozo k’ishyirahamwe ry’umukino wo gusiganwa ku magare  ku Isi “UCI Centre” kiri  mu  mujyi wa Cape Town.

Aba bakinnyi biteganyijwe bazahaguruka mu Rwanda tariki 16 Ukwakira 2019 bakazamara hariya ukwezi kumwe bakaruka mu Rwanda tariki 13 Ugushyingo 2019.

Muhoza Eric  ufite imyaka 17 akinira ikipe ya Les Amis Sportis y’i Rwamagana. Muri iyi minsi  ayoboye ikiciro k’ingimbi aho  yegukanye intera ebyizi ziheruka za Rwanda Cycling Cup 2019 zirimo intera ya 3 yakiniwe i Rwamagana  n’intera ya kane yakiniwe i Rubavu.

Mukundende we afite imyaka 20 y’amavuko akinira ikipe ya Benediction Excel Energy nawe yegukanye  intera ya 3 ya Rwanda Cycling Cup 2019 yabereye i Rwamagana.

Aba bakinnyi bombi ni inshuro ya mbere bagiye kwitabira imyitozo nk’iyi aho biteganyijwe ko uretse imyitozo bakoreshwa n’abatoza babizobereyemo bazanakina amarushanwa atandukanye.

Muhoza aganira n’Imvaho Nshya yavuze ko  ahantu nk’aho yumva azahungukira byinshi kuko azahahurira n’abakinnyi bari mu kigero kimwe ariko ko burya umukinnyi yigira ku wundi igihe bakoranye imyitozo cyangwa bagakinana irushanwa.

Aba bakinnyi bombi nabwo bazakina intera ya 5 ya Rwanda Cycling Cup 2019 izakinirwa i Huye tariki 19  Ukwakira 2019.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.