Kigali-Rwanda

Mostly cloudy with showers
19°C
 

Amagare: Ikipe y’u Rwanda irerekeza muri Senegal

Yanditswe na NKOMEJE GUILLAUME

Ku ya Apr 19, 2018

Tariki 22-04-2018

Dakar – Thies (143,2 km)

Tariki 23-04-2018

Thies – St Louis (181,8 km)

Tariki 24-04-2018

St Louis – Pire-Goureye (148,5 km)

Tariki 25-04-2018

Thies – Thies (108 km)

Tariki 26-04- 2018

Thies – Ndangane (158,2 km)

Tariki 27-04-2018

Ndangane – Ngueniene (114,9 km)

Tariki 28-04-2018

Ngaparou – Ngaparou (140 km)

Tariki 29-04-2018

Corniche Ouest de Dakar-Corniche Ouest de Dakar (102,4 km)

Uyu munsi tariki 19 Mata 2018, ni bwo ikipe y’u Rwanda mu mukino wo gusiganwa ku magare igizwe n’abakinnyi 6 ihaguruka mu Rwanda yerekeza muri Senegal aho igomba kwitabira isiganwa “Tour du Senegal 2018”  rizatangira tariki 22 risozwe 29 Mata 2018.

Uwizeyimana Bonaventure, ni umwe mu bakinnyi b’ikipe y’igihugu iza kwerekeza muri Senegal

Muri iri siganwa riri mu masiganwa akomeye muri Afurika dore ko riri ku rwego rwa 2.2, ikipe y’u Rwanda igiye kuryitabira igizwe n’abakinnyi 6 barangajwe imbere na Uwizeyimana Bonaventure, Hadi Janvier, Byukusenge Patrick, Munyaneza Didier, Ukiniwabo Jean Paul Rene ndetse na Uwiduhaye. Iyi kipe ikaba kandi ijyana  na Sempoma Felix   nk’umutoza, umukanishi akaba Maniriho Eric naho Ruvogera Obed, akaba ari we ushinzwe kunanura imitsi y’abakinnyi.

Areruya Joseph wari umaze iminsi yitwara neza, nta bwo yajyanye n’iyi kipe y’igihugu bitewe n’uko arimo kwitegura kwerekeza mu ikipe ye ya Delko-Marseille yo mu Bufaransa, tariki 24 Mata 2018 ni mu gihe yaba abonye Visa.

Areruya kandi yiyongera kuri Ndayisenga Valens na Uwizeye Jean Claude nabo bagomba kwerekeza mu Bufaransa  mu ikipe yabo nshya ya Poccl Equipe Cycliste tariki 22 Mata 2018.

Iri siganwa rigizwe n’intera 8, abasiganwa bazasoza bakoze intera y’ibilometero 1097. Intera yo kuva Thies kugera St Louis ari yo ya kabiri muri iri siganwa, izakinwa tariki  23 Mata 2018, ni yo ndende kuko ireshya n’ibilometero 181,8 naho ingufi ni yo kuzenguruka Corniche Ouest de Dakar ikaba ireshya n’ibilometero 102,4  iyi ni intera ya 8 izakinwa tariki 29 Mata 2018.

Iyi “Tour du Senegal 2018”, izaba ikinwa ku nshuro ya 17,  izitabirwa n’amakipe 19 ari yo ; Bénin,  Club La Défense (u Bufaransa), Team Embrace the World (u Budage), Éthiopie, Gabon, Gambie, Global Cycling Team (u Buholandi), G.S. Maltinti Lampadari (u Butaliyani), Team Interpro Stardalli Cycling (u Buyapani), Kenya, Mali, Maroc, Niger, RDC, Rwanda, Sénégal, Équipe Sovac Natuea4ever (Algérie), Sélection Suisse Romande ndetse na Team Veloselect Apogée (Canada).