Kigali-Rwanda

Partly sunny
26°C
 

Amagare : Ikipe y’u Rwanda igiye  guhagararira Afurika muri Tour de France

Yanditswe na BUGINGO FIDELE

Ku ya 15-08-2018 saa 12:10:39
Areruya Joseph (iburyo) na Mugisha Samuel (ibumoso) ubwo begukanaga isiganwa ry'Afurika byatumye u Rwanda rubona itike yo kwitabira Tour de France U-23

Tariki 17-08-2018

Grand-Champ-Elven (138.2km)

Tariki 18-08- 2018

Drefféac -Châteaubriant (144.2km)

Tariki 19-08-2018

Le Lude-Châteaudu (171.2km)

Tariki 20-08-2018

Orléans-Orléans (20.2km)

Tariki 21-08-2018

Beaugency-Levroux (145.8km)

Tariki 22-08-2018

Le Blanc-Cérilly (181.1km)

 Tariki 23-08-2018

Moutiers-Méribe (35.4km)

Tariki 24-08-2018

Crest-Voland Cohennoz (81.1km)

 Tariki 25-08-2018

Séez-Val d’Isère (83km)

 Tariki 26-08-2018

 Val d’Isère-SaintColomban (149.7km)      

Kuva tariki 17 kugeza 26 Kanama 2018 mu Bufaransa hazabera isiganwa  rihuza abakinnyi  batarengeje imyaka 23 “Tour de France U-23”  rikazitabirwa n’amakipe 26.

Areruya Joseph (iburyo) na Mugisha Samuel (ibumoso) ubwo begukanaga isiganwa ry’Afurika byatumye u Rwanda rubona itike yo kwitabira Tour de France U-23

Muri aya makipe harimo n’Ikipe y’u Rwanda ari na yo  ihagarariye Umugabane w’Afurika.  Iyi kipe y’u Rwanda  yabonye  itike yo kwitabira iri siganwa rikomeye ku Isi nyuma  y’uko Areruya Joseph yegukanye irushanwa ry’Afurika ry’abatarengeje imyaka 23 « Tour de l’Espoir »  ryabereye muri Cameroun tariki 31 Mutarama kugeza 04 Gashyantare 2018.

Iyi kipe y’u Rwanda  izaba igizwe n’Areruya Joseph wegukanye Tour du Rwanda 2017 ubu akaba akinira ikipe ya Delko Marseille mu Bufaransa, Mugisha Samuel wegukanye Tour du Rwanda 2018 akaba akinira ikipe ya Dimension Data for Qhubeka yo muri Afurika y’Epfo ariko  ibarizwa mu Butaliyani.

Hari kandi Munyaneza Didier wegukanye shampiyona y’u Rwanda ya 2018 akaba akinira Benediction Club, Hakiruwizeye Samuel ukinira CCA, Ukiniwabo Rene Jean Paul ukinira Amis Sportifs y’i Rwamagana ndetse na Manizabayo Eric ukinira Benediction Club.

Uretse Areruya Joseph wari usanzwe ari mu Bufaransa, aba bakinnyi bandi bari kumwe n’umutoza w’ikipe y’igihugu, Sterling Magnell bahagurutse mu Rwanda ejo hashize tariki 14 Kanama 2018 berekeza mu Bufaransa.

Ikipe y’u Rwanda izaba ihanganye n’abakinnyi  bakomeye bo mu bihugu birimo  u Budage, Australia, Austriche, Auvergne-Rhône-Alpes, u Bubiligi, ikipe ya UCI, Colombia, Denmark, Equateur, Espagne, USA, u Bufaransa, Great-Britain, Ireland, u Butaliyani, u Buyapani, Luxembourg, Norvege, Pays De La Loire, u Buholandi, Pologne, Portugal, u Burusiya, Slovénie n’u Busuwisi.

Abakinnyi 156 ni bo biteganyijwe ko bazakina iri rushanwa basiganwe intera 10 (1149,9km).

 

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.