Amagare:  Ikipe ya Benediction ikomeje kwitegura isiganwa rizabera muri Afurika y’Epfo

Yanditswe na BUGINGO FIDELE

Ku ya Apr 21, 2019

Tariki 15-05-2019

Bela Bela-Polokwane (172 km)

Tariki 16-05-2019

Polokwane-Tzaneen (96km)

Tariki 17-05-2019

Tzaneen-Modjajieskloof 

Tariki 18-05-2019

Tzaneen-Polokwane (116 km)

 Ikipe ya Benediction Excel Energy  ikomeje  kwitegura  irushanwa mpuzamahanga rizabera muri Afurika “Tour de Limpopo 2019”  kuva tariki 14 kugeza 19 Gicurasi 2019 mu mugi wa Polokwane.

Iyi kipe kuva muri 2019 yahindutse ikipe y’ababigize umwuga ku rwego mpuzamahanga “Continental Team”.  Tariki 24 Gashyantare kugeza 03 Werurwe 2019 yakinnye irushanwa mpuzamahanga rya mbere ari  ryo  Tour du Rwanda 2019  isoreza ku mwanya wa 6 mu makipe 16 yitabiriye.

Nyuma y’iri siganwa, iyi kipe yakomeje kwitegura   andi marushanwa abiri mpuzamahanga arimo  Tour du Senegal 2019 yagombaga kuba tariki 21 kugeza 29 Mata 2019 ariko   iri rushanwa rikaba ritakibaye.

Ubuyobozi bw’ikipe ya  Benediction Excel Energy    bukaba butangaza ko bakomeje kwitegura irushanwa rizabera muri Afurika y’Epfo  mu mugi wa Polokwane  “Tour de Limpopo 2019”   rizatangira tariki 14 rigasozwa 19 Gicurasi 2019.

Abakinnyi b’iyi kipe bakaba bamaze iminsi bakora imyitozo bitegura iri rushanwa. Aba ni  Nsengimana Jean Bosco, Uwizeyimana Bonaventure, Munyeneza Didier, Byukusenge Patrick na Manizabayo Eric ari nabo  bakinnye  Tour du Rwanda 2019 hakiyongeraho   Nkurunziza Yves, Nzafashwanayo Jean Claude na  Ukiniwabo Rene Jean Paul wahoze  mu ikipe y’i Rwamagana. Aba akaba ari bo bazavamo abazitabira isiganwa muri Afurika y’Epfo.

Kuri ubu iyi kipe ya Benediction Excel Energy (BEX) ni yo iyoboye urutonde rw’amakipe muri Afurika  aho ifite amanota 431. Ikurikiwe na  SOVAC (Algeria) ifite amanota 380,  Protouch (Afurika y’Epfo) ifite 309,  TEG Procycling Team (Afurika y’Epfo) ifite amanota 155, Guerciotti -Kiwi Atlantico (Guinea-Bissau) n’amanota 95 naho ikipe ya Bai Sicasal Petro De Luanda  yo muri Angola iri ku mwanya wa 6 n’amanota 7.

Ikipe ya Benediction Excel Energy ubwo yakinaga irushanwa mpuzamahanga rya mbere nyuma yo kujya ku rundi rwego