Kigali-Rwanda

Mostly cloudy with showers
23°C
 

Amagare: Areruya yegukanye intera ya 4 ahita ayobora isiganwa muri Gabon BUGINGO FIDELE

Yanditswe na admin

Ku ya Jan 19, 2018

Areruya Joseph wegukanye Tour du Rwanda 2017  yitwaye neza yegukana intera ya 4 y’irushanwa rya mbere muri Afurika “La Tropicale Amissa  Bongo 2018.”

Areruya Joseph nyuma yo kwegukana intera ya 4 yahise afata umwanya wa mbere muri rusange

Iri siganwa ryatangiye tariki 15 Mutarama 2018, Areruya  urimo gukinira ikipe y’u Rwanda  ntabwo yatangiye neza. Ejo hashize tariki 18 Mutarama 2018 ubwo habaga intera ya 4 yo kuva ahitwa  Ndjolé kugera  Mitzic mu ntera y’ibilometero 182.5, Areruya Joseph  yegukanye umwanya wa mbere aho yakoresheje amasaha 4, iminota 25 n’amasegonda 10 akaba yarahagereye rimwe na Keshovoy ukinira Bike Aid mu Budage.

Nyuma yo kwegukana iyi ntera Areruya yahise yambura umwanya wa mbere ku rutonde rusange, Jones Brenton  aho mu bilometero 616.1 amaze gukoresha amasaha 4, iminota 53 n’amasegonda 21 ararusha, Holler Nikodemus, umudage ukinira Bike Aid  uri ku mwanya wa kabiri amasegonda 11 kuko we amaze gukoresha amasaha 14, iminota 53 n’amasegonda 32.

Areruya  yahise  aba umukinnyi wa kabiri w’u Rwanda wegukanye intera muri iri rushanwa nyuma  ya Uwizeyimana Bonaventure wegukanye intera ya 5 mu 2014.

Uyu munsi  tariki 19 Mutarama 2018 harakinwa intera ya 5 yo kuva Oyem kugera Ambam (141 km).