Kigali-Rwanda

Mostly cloudy
20°C
 

Amagare:  Areruya yegukanye imidali 2 muri shampiyona y’Afurika

Yanditswe na BUGINGO FIDELE

Ku ya 16-02-2018 saa 07:18:03
Debesay Mekseb (hagati) ni we wegukanye umudali wa zahabu akurikirwa na Nsengimana Jean Bosco (ibumoso) yegukanye umudali wa Feza naho Areruya Joseph yegukana umudali w'umuringa

Abahungu bakuru (40 km)

1.Debesay Mekseb  53’25”

2.Nsengimana Jean Bosco  54’16”

3. Areruya Joseph 54’19”

Abakobwa bakuru (40 km)

1.Debesay Mosana  01h04′ 45”

2. Amha Selam 01h04’58”

3.Gebru Eyeru Tesfoam  01h06’10”

Igimbi “Men Junior”  (18,6 km)

1.Ghirmay Biniyam 26’39”36

2.Nkurunziza Yves 27’35”55

3.Medhanie Natan 27’49”22

Abangavu “Women Junior” (18,6 km)

1.Kidane Desiet  31’30”

2.Kasahun Tsadkan 33’11”

3.Hailu Zayid 34’04”

Umunsi wa kabiri wa shampiyona y’Afurika mu mukino wo gusiganwa ku magare “African Continental Cycling Championships 2018”, Areruya Joseph wegukanye Tour du Rwanda 2017, yegukanye imidali ibiri harimo uwa Zahabu mu batarengeje imyaka 23 ndetse  n’uw’umuringa “Bronze” mu bakuru “Elite”.

Debesay Mekseb (hagati) ni we wegukanye umudali wa zahabu akurikirwa na Nsengimana Jean Bosco (ibumoso) yegukanye umudali wa Feza naho Areruya Joseph yegukana umudali w’umuringa

Ejo hashize tariki 15 Gashyantare 2018 abakinnyi mu byiciro bitandukanye basiganwe ku giti cyabo hakarebwa ibihe bakoresheje “Individual Time Trial”.

Mu kiciro k’ingimbi “Men Junior”, Nkurunziza Yves usanzwe akinira Benediction Club akaba yaregukanye “Rwanda Cycling Cup 2017” ni we wabashije  kwegukana umudali wa Feza aho mu bilometero 18,6 yakoresheje iminota 27 n’amasegonda 35.

Nkurunziza Yves (ibumoso) wegukanye umudali wa Feza mu ngimbi

Muri iki kiciro, Ghirmay Biniyam wo muri Eritrea  ni we wegukanye umudali wa zahabu aho yakoresheje iminota 26 n’iminota 39 naho Medhanie Natan wo muri Eritrea yegukana umwanya wa 3 akoresheje iminota 27 n’amasegonda 49.  Undi mukinnyi w’u Rwanda, Nzafashwanayo Jean Claude we yasoje ku mwanya wa 5.

Mu bangavu “Women Junior”, Kidane Desiet  ukomoka muri Eritrea  ni we wegukanye umudali wa zahabu aho mu bilometero 18,6 yakoresheje iminota 31 n’amasegonda 30 akaba yarakurikiwe na Kasahun Tsadkan na Hailu Zayid bakomoka muri Ethiopia.

Abakinnyi bari bahagarariye u Rwanda muri iki kiciro, Irakoze Neza Violette yaje ku mwanya 4 naho Mushimiyimana Samantha  asoza ku mwanya wa 5.

Mu kiciro cy’abakobwa “Elite”, Debesay Mosana   yegukanye umudali wa zahabu akurikirwa na Amha Selam na Gebru Eyeru Tesfoam   bakomoka muri Ethiopia.

Mu batarengeje imyaka 23, Amha Selam wo muri Ethiopia ni we wegukanye umudali wa zahabu akurikirwa na Gebru Eyeru Tesfoam    nawe wo muri Ethiopia naho ku mwanya wa 3 haza Gebrehiwet Tigisti wo muri Eritrea. Muri iki kiciro, Ingabire Beatha yabaye uwa 7 naho Manizabayo Magnifique aba uwa 9 mu bakinnyi 13 bari bitabiriye.

Areruya  yegukanye imidali ibiri

Mu kiciro cy’abahungu bakuru n’abatarengeje imyaka “Men Elite &U-23”,  Debesay Mekseb  ni we wegukanye umwanya wa mbere akurikirwa na Nsengimana Jean Bosco  naho ku mwanya wa 3 haza Areruya Joseph.

Mu kiciro cy’abatarengeje imyaka 23, Areruya yegukanye umwanya wa mbere akurikirwa na Ebrahim Redwan wo muri Ethiopia naho ku mwanya wa 3 haza  Musie Mehari Saymon wo muri Eritrea. Areruya Joseph akaba yegukanye imidali ibiri.

Areruya Joseph (Hagati) wegukanye umudali wa zahabu mu batarengeje imyaka 23

Nyuma y’iminsi ibiri ya shampiyona y’Afurika, Eritrea imaze kwegukana imidali 10, Ethiopia n’u Rwanda nabo bamaze kwegukana 8.

Irushanwa rizakomeza ejo tariki 17 Gashyantare 2018 ahazakinwa isiganwa mu muhanda “Road race” ku bakobwa bakuru n’abatarengeje imyaka 23, ingimbi n’abangavu naho tariki 18 Gashyantare 2018  mu gusoza hakine abahungu bakuru n’abatarengeje imyaka 23.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.