Kigali-Rwanda

Partly sunny
24°C
 

Amagare: Areruya Joseph arerekeza mu Bufaransa uyu munsi

Yanditswe na BUGINGO FIDELE

Ku ya 27-04-2018 saa 07:13:58
Areruya Joseph ugiye gukinira ikipe ya Delko–Marseille Provence KTM

Kuri uyu wa Gatanu tariki 27 Mata 2018 ni bwo  Areruya Joseph ukinira ikipe y’u mu mukino  wo gusiganwa ku magare ahaguruka mu Rwanda yerekeza mu Bufaransa mu mujyi wa Marseille aho agiye  gukinira ikipe ya Delko–Marseille Provence KTM.

Areruya Joseph ugiye gukinira ikipe ya Delko–Marseille Provence KTM

Areruya Joseph wari usanzwe ari umukinnyi w’ikipe ya kabiri ya Dimension Data for Qhubeka, tariki 11 Werurwe 2018 ni bwo  byatangajwe ku mugaragaro ko yamaze kugurwa n’ikipe ya Delko–Marseille Provence KTM akaba yarahawe amasezerano y’imyaka 2.

Nyuma yo kugurwa n’iyi kipe ariko nta bwo yahise yerekeza mu Bufaransa kuko yabanje kujyana n’ikipe y’igihugu y’u Rwanda mu mikino ihuza ibihugu bikoresha ururimi rw’Icyongereza “Commonwealth Games 2018” yabereye muri Australia kuva  tariki 04-15 Mata 2018. Akiva muri iyi mikino nk’uko yabitangaje yategereje ko abona uruhushya rumwemerera kwinjira mu Bufaransa “Visa”.

Ejo hashize tariki 26 Mata 2018 ni bwo yabonye uru ruhushya bikaba biteganyijwe ko agomba kwerekeza mu Bufaransa uyu munsi tariki 27 Mata 2018 saa mbiri  n’iminota 15 z’umugoroba (20h15).

Areruya Joseph ni umwaka wa kabiri agiye gukina ku mugabane w’u Burayi kuko mu 2017 yari mu ikipe ya kabiri ya Dimension Data for Qhubeka yo muri Afurika y’Epfo ariko ikaba ibarizwa mu Butaliyani. Umwaka wa 2017 na 2018 yitwaye neza yegukana amarushanwa akomeye muri Afurika ari nabyo byatumye yifuzwa n’amakipe akomeye.

Amateka y’ikipe Areruya yerekejemo

Iyi kipe yashinzwe mu 1974  kuva  mu 2011 ni bwo yatangiye ikipe y’ababigize umwuga yitabira amarushanwa akomeye  ku mugabane w’u Burayi  n’ahandi. Iyi kipe ikaba initabira amarushanwa  mpuzamahanga  muri Afurika.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.